JEREMIAH 22:3 - Edisana ñwed Abasi Ibom

³ ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

JEREMIAH 22:3 ပူးပေါင်းရင်းမြစ်များ

2 SAMUEL 23:3

Abasi Israel ɔdɔhɔ, Akwa Itiat Israel etiŋ ɔnɔ mi, ete, Edinen andikara owo eyedu, ada uteŋe Abasi akara;

2 NDIDEM 24:4

ndien ŋko Jehovah inyimeke ndidahado ke ikpikpu iyip oro enye ɔkɔduɔkde; koro enye ama anam ikpikpu iyip ɔyɔhɔ ke Jerusalem.

ŊWED JOB 22:9

Afo ɔdɔŋ mme ebe-akpa eka ubɔk-ubɔk;

ŊWED JOB 24:9

Mmɔ efabere nditɔ-akpa ke eba efep, enyuŋ ebɔ owo-unana ubiɔŋ.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ŊWED MME PSALM 82:4

Enyaŋa mbon unana ye ubuene: esio mmɔ mme idiɔk owo ke ubɔk.

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

ŊWED MME PSALM 94:6

Ewot ebe-akpa ye esen owo, enyuŋ ewot nditɔ-akpa.

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

EXODUS 22:22

Ekufik baba ebe-akpa, ye eyen-akpa.

MME ŊKE 23:10

Kusehere adaŋa (iŋwaŋ) eset: kunyuŋ uduk ke iŋwaŋ nditɔ akpa:

MME ŊKE 6:17

ukpɔŋ esie onyuŋ ese mbitiaba emi ke mbubiam: Ŋkok-idem, edeme nsu, ye ubɔk eke eduɔkde iyip owo eke miduehe,

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 22:17

Edi enyin fo ye esit fo isehe baba ŋkpɔ kiet ke mibɔhɔke udori fo, ye iyip owo eke miduehe isop, ete iduɔk enye, ke mibɔhɔke utuk ye nnama, ete inam mmɔ.

JEREMIAH 26:16

Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

JEREMIAH 5:28

Mmɔ ekpon ubom, esem; enyuŋ ekan kpa ido mme idiɔk owo: mmɔ ibiereke ikɔ, kpa ikɔ eyen-akpa, ndien ekut unen: inyuŋ ikpehe ikpe mme ubuene.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

ŊWED ESEME 3:36

ndiyut owo ke ikɔ esie, Ɔbɔŋ imaŋa.

EZEKIEL 18:12

eke otukde owo ukut ye ubuene, owode ŋwo, ndien misanake ubiɔŋ iyak, onyuŋ emenere enyin esie ese ibɔk, anam mbubiam;

EZEKIEL 18:7

minyuŋ itukke owo, edi esana ubiɔŋ esie ayak, ndien midaha ŋkpɔ ke ŋwo, ada udia esie ɔnɔ owo biɔŋ, onyuŋ ada ɔfɔŋ-idem ofuk iferi;

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

EZEKIEL 45:9

Ntem ke Ɔbɔŋ Jehovah ɔdɔhɔ ete, Yak ekem ye mbufo, mbɔŋ Israel; mbufo esioŋo ŋkanubɔk ye utuk efep, enyuŋ ekpe edinen ikpe: edorore ikɔt mi nnama mbufo efep: emi edi uyo Ɔbɔŋ Jehovah.

JOEL 3:19

Egypt eyekabare edi obukpo, Edom eyenyuŋ akabare edi ikpikpu wilderness, oto ke afai emi mmɔ ekenamde nditɔ Judah, koro mmɔ ekeduɔkde iyip owo eke miduehe isop ke isɔŋ mmɔ.

LEVITICUS 19:15

Mbufo ekunam se minenke ke ikpe: kuteŋe ubuene enyin, kunyuŋ ukpono iso akamba owo: edi kpe ikpe mbɔhiduŋ fo nte enende.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

DEUTERONOMY 10:18

emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

DEUTERONOMY 24:17

Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

DEUTERONOMY 24:7

Edieke edikutde owo eke oyipde owo ke otu nditɔ-ete esie, kpa nditɔ Israel, mme edinyuŋ onim enye ke ofin, mme anyanyam enye; inɔ oro enyene ndikpa; ke ntre ke afo edisio idiɔk ke otu fo efep.

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

DEUTERONOMY 27:19

Ɔdɔdiɔk ɔnɔ owo eke oyutde ikpe esen owo, ye eyen-akpa, ye ebe-akpa. Ndien yak kpukpru owo edɔhɔ ete, Amen.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.