JEREMIAH 22:24 - Edisana ñwed Abasi Ibom

²⁴ Jehovah ɔdɔhɔ, ete, Ma uwem mi, Coniah eyen Jehoiakim edidem Judah ekpetie nte ŋkpɔ ufik-ŋwed ke ubɔk nnasia mi, ŋkpetreke ndifɔrɔde fi mfep ke esit;

JEREMIAH 22:24 ပူးပေါင်းရင်းမြစ်များ

2 NDIDEM 24:12

Ekem Jehoiachin edidem Judah ɔwɔrɔ etiene edidem Babylon, enye, ye eka esie, ye ikɔt esie, ye ikpɔ owo esie, ye ndidaha esie: ndien edidem Babylon ada enye ke ɔyɔhɔ isua ubɔŋ esie itiaita.

2 NDIDEM 24:15

Ntre ke enye ada Jehoiachin ɔnyɔŋ ke Babylon, ye eka edidem, ye iban edidem, ye ndidaha esie, ye ikpɔ owo isɔŋ, ke enye ataŋ ke Jerusalem, ɔnyɔŋ ke Babylon.

1 CHRONICLES 3:16

Nditɔ Jehoiakim ŋko; Jeconiah eyen esie, ye Zedekiah eyen esie.

2 CHRONICLES 36:9

Jehoiakim osim isua efureta ke ini enye adade ubɔŋ, ndien enye edi edidem ke Jerusalem ke ɔfiɔŋ ita ye usen duop: onyuŋ anam idiɔk ke iso Jehovah.

IKWƆ SOLOMON 8:6

Nim mi nte seal ke esit fo, ye nte seal ke ubɔk fo: koro ima ɔmɔsɔŋ nte mkpa; ufup onyuŋ ɔsɔŋ ubɔk nte udi: edemikaŋ esie esesak nte edemikaŋ Jehovah.

ISAIAH 49:16

Sese, mmakap fi nsin ke eka-ubɔk mi: ibibene fo esuk edu mi ke iso kpukpru ini.

JEREMIAH 13:18

Dɔhɔ edidem ye ɔbɔŋ-aŋwan, ete, Mbufo esuhɔre etie; koro anyanya ubɔŋ mbufo otode mbufo ke ibuot ɔduɔ ke isɔŋ.

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

JEREMIAH 22:6

Koro ntem ke Jehovah ɔdɔhɔ abaŋa ufɔk edidem Judah, ete, Mbat fi nte Gilead, kpa ibuot Lebanon: edi nyakabare fi edi wilderness, kpa obio eke owo miduŋke.

JEREMIAH 24:1

JEHOVAH okowut mi ŋkpɔ, ndien, sese, akpasa fig iba ke ediɔhɔ ke iso temple Jehovah, ke adaŋemi Nebuchadrezzar, edidem Babylon, ama akataŋ Jeconiah eyen Jehoiakim edidem Judah, ye mbɔŋ Judah, ye mbon-usɔ, ye mme andidom utim, ke Jerusalem efep, onyuŋ ada mmɔ ɔnyɔŋ ke Babylon.

JEREMIAH 28:4

Jehovah onyuŋ ɔdɔhɔ, ete, Ami nyeda Jeconiah eyen Jehoiakim edidem Judah, ye ofuri Judah emi eketaŋde efep enyɔŋ ke Babylon, mfiak ndi ke ebiet emi: Koro nyebuŋ ɔkpɔnɔ edidem Babylon.

JEREMIAH 29:2

(ke Jeconiah edidem, ye ɔbɔŋ-aŋwan, ye mme eunuch, mbɔŋ Judah ye Jerusalem, ye mbon-usɔ, ye mme odom-utim ewɔŋɔde ke Jerusalem ema:)

JEREMIAH 37:1

EKEM edidem Zedekiah eyen Josiah ada ubɔŋ ke ibuot Coniah eyen Jehoiakim, emi Nebuchadrezzar edidem Babylon okonimde ke edidem ke isɔŋ Judah.

HAGGAI 2:23

Jehovah mme udim ɔdɔhɔ, ete, Ke usen oro nyeda fi Zerubbabel eyen Shealtiel, owo mi, Jehovah ke ɔdɔhɔ, nnyuŋ nnim fi seal: koro mmemek fi, ke edi uyo Jehovah mme udim.