JEREMIAH 22:19 - Edisana ñwed Abasi Ibom

¹⁹ Eyebuk enye nte ebukde ass, eke edudide enyuŋ eduɔkde ko ekpɔŋ enyin-usuŋ Jerusalem.

JEREMIAH 22:19 ပူးပေါင်းရင်းမြစ်များ

1 NDIDEM 14:10

Mmɔdo, sese, ami nyeda idiɔk-ŋkpɔ ntiene ufɔk Jeroboam, nyenyuŋ nsibe irenowo ufɔk Jeroboam mfep. Ofin ye eyen isɔŋ ke Israel, ndien nyebine ufɔk Jeroboam ŋkpɔri mfep, kpa nte owo ɔkpɔride ifum efep tutu okure.

2 NDIDEM 23:36

Jehoiakim osim isua edip ye ition ke ini enye adade ubɔŋ; ndien edi edidem ke Jerusalem ke isua duopekiet: ndien enyiŋ eka esie ekere Zebidah, eyen Pedaiah a Rumah.

2 NDIDEM 24:6

Ekem Jehoiakim ɔsuhɔre ana ye mme ete esie ede: ndien Jehoiachin eyen esie ada ubɔŋ ke itie esie.

2 NDIDEM 9:35

Ndien mmɔ eka ndibuk enye: edi ikwe enye, ke mibɔhɔke mkpɔkpɔrɔ, ye ikpat-ukot,

2 CHRONICLES 36:6

Nebuchadnezzar edidem Babylon ɔdɔk edi ekɔŋ ye enye, onyuŋ ɔkɔbi enye ufat-ubɔk, ete ida enye inyɔŋ ke Babylon.

ECCLESIASTES 6:3

Owo ama obon nditɔ ikie, ama onyuŋ odu uwem ediwak isua, mme usen isua esie ema enyuŋ ewak, ndien ukpɔŋ esie miyuhɔke mfɔn, ndien enye mibuhɔke, ndɔhɔ nte ke eyen eke awakde idibi ɔfɔn akan enye.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 36:30

Mmɔdo ntem ke Jehovah ɔdɔhɔ abaŋa Jehoiakim edidem Judah, ete, Enye idinyeneke owo eke editiede ke ebekpo David: ndien eyeduɔk okpo esie enɔ eyo ke uwemeyo, enɔ tuep ke okoneyo.

JEREMIAH 36:6

Afo ka ndien kada ikpa emi afo ɔbɔde mi ke inua ewet, tiŋ ikɔ Jehovah ke utɔŋ kpukpru owo ke ufɔk Jehovah ke usen utre-udia: nyuŋ tiŋ mmɔ ŋko ke utɔŋ ofuri Judah emi etode ke mme obio mmɔ edi.

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

EZEKIEL 19:8

Ndien mme idut eto ke mme esien emi ekande ekuk, ekɔk afia enɔ enye, enyuŋ etat iyire mmɔ eduɔk enye ke idem: emum enye ke ukpe mmɔ.

EZEKIEL 39:5

Afo eyeduɔ ke iso isɔŋ; koro edi ami ndɔhɔ. Uyo Ɔbɔŋ Jehovah edi emi.