JEREMIAH 22:18 - Edisana ñwed Abasi Ibom

¹⁸ Mmɔdo ntem ke Jehovah ɔdɔhɔ abaŋa Jehoiakim eyen Josiah edidem Judah, ete, Mmɔ idituaha enye, ite, O eyen-eka mi! ye, Ah eyen-eka aŋwan! idinyuŋ ituaha enye, ite, Ah Ɔbɔŋ! ye, Ah ubɔŋ esie!

JEREMIAH 22:18 ပူးပေါင်းရင်းမြစ်များ

2 SAMUEL 1:26

Esit ayat mi abaŋa fi, eyenete mi Jonathan; afo ama enem mi eti-eti: ima oro afo akamade mi edi utibe, akan ima iban.

1 NDIDEM 13:30

Enye onyuŋ ada okpo esie oro esin ke udi esiemɔ; ndien mmɔ etuaŋa enye, ete, Mbɔm eyen-ete mi!

2 NDIDEM 23:36

Jehoiakim osim isua edip ye ition ke ini enye adade ubɔŋ; ndien edi edidem ke Jerusalem ke isua duopekiet: ndien enyiŋ eka esie ekere Zebidah, eyen Pedaiah a Rumah.

2 NDIDEM 23:6

Enye onyuŋ osio mbiet Asherah ke ufɔk Jehovah, ɔwɔrɔ ke edem Jerusalem aka ke ebedeŋ Kidron, ɔkɔfɔp enye ke ebedeŋ Kidron, onyuŋ anuak enye emem, ndien ada ntan esie asuan ke mme udi nditɔ mbio-obio.

2 NDIDEM 24:6

Ekem Jehoiakim ɔsuhɔre ana ye mme ete esie ede: ndien Jehoiachin eyen esie ada ubɔŋ ke itie esie.

1 CHRONICLES 3:15

akpan Johanan, udɔ Jehoiakim, ududɔ Zedekiah, ɔyɔhɔ inaŋ Shallum.

2 CHRONICLES 35:25

Jeremiah onyuŋ ewet ikwɔ-eyet abaŋa Josiah: ndien kpukpru mme ɔkwɔ-ikwɔ iren ye iban edɔhɔ ebaŋa Josiah ke ikwɔ-eyet mmɔ tutu osim mfin emi, enyuŋ enim mmɔ ke ido ke Israel: ndien, sese, ekewet mmɔ ke otu mme ikwɔ-eyet.

2 CHRONICLES 36:5

Jehoiakim osim isua edip ye ition ke ini enye adade ubɔŋ; ndien edi edidem ke isua duopekiet ke Jerusalem: enye onyuŋ anam idiɔk ke iso Jehovah Abasi esie.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 16:6

Ŋkpri ye ikpɔ eyenyuŋ ekpaŋa ke isɔŋ emi: mmɔ idibuhɔke, ndien idituaha ibaŋa mmɔ, idinyuŋ ikpihi idem, inyuŋ ikporoke ibuot ibaŋa mmɔ:

JEREMIAH 21:11

Ndien dɔhɔ ufɔk edidem Judah, ete, Mbufo ekop uyo Jehovah;

JEREMIAH 22:10

Mbufo ekutuaŋa ebaŋa akpa-mkpa, ekunyuŋ eseme enye: etua eyet eti-eti ebaŋa owo eke edikade, koro enye midinyɔŋke aba, midinyuŋ ikwe aba obio emana esie.

JEREMIAH 22:12

koro enye eyekpa ke ebiet oro ekemende enye efep eka do: idinyuŋ ikwe aba isɔŋ emi.

JEREMIAH 34:5

afo eyekpa ke emem: ndien kpa nte ekefɔpde ŋkpɔ enɔ mme usɔ, ndidem eyo oko oro ekebemde fi iso, kpa ntre ke edifɔp ŋkpɔ enɔ fi: eyenyuŋ etuaŋa fi, ete, “Ah, ɔbɔŋ!” koro edi ami ndɔhɔ ikɔ. Emi edi uyo Jehovah.

JEREMIAH 36:30

Mmɔdo ntem ke Jehovah ɔdɔhɔ abaŋa Jehoiakim edidem Judah, ete, Enye idinyeneke owo eke editiede ke ebekpo David: ndien eyeduɔk okpo esie enɔ eyo ke uwemeyo, enɔ tuep ke okoneyo.