JEREMIAH 22:14 - Edisana ñwed Abasi Ibom

¹⁴ eke ɔdɔhɔde, ete, Nyebɔp akwa ufɔk ye ikpɔ ubet enyɔŋ nnɔ idem mi; ndien enye asiak window ɔnɔ idem esie, onyuŋ ɔkɔŋ enye ke cedar, onyuŋ eyet ididuot ke esit.

JEREMIAH 22:14 ပူးပေါင်းရင်းမြစ်များ

2 SAMUEL 7:2

ndien edidem ɔdɔhɔ Nathan prophet, ete, Mbɔk, se ami nduŋ ke ufɔk cedar, edi ekebe Abasi oduŋ ke ufɔt ikpehe oro.

2 CHRONICLES 3:5

Enye onyuŋ ada obukpɔk cypress ɔkɔŋ ke esit akamba ufɔk, ndien ofuk enye ke eti gold, onyuŋ akap eyop ye ŋkpɔkɔbi ke esit.

MME ŊKE 17:19

Ama idiɔk-ŋkpɔ ama utɔk: anam enyin-usuŋ esie okoŋ oyom nsobo.

MME ŊKE 24:27

Tim nam utom fo ke ebresien, nyuŋ nam ɔkpɔ ma ke iŋwaŋ; ndien ke ini oro okurede, bɔp ufɔk fo.

IKWƆ SOLOMON 1:17

obukpɔk ufɔk nnyin edi cedar, ɔkɔm nnyin onyuŋ edi cypress.

ISAIAH 9:9

Ndien ofuri obio, kpa Ephraim, ye mme andiduŋ Samaria, emefiɔk, emi edɔhɔde ke iseri ye mkpon-esit, ete,

EZEKIEL 23:14

ndien enye anam use esie awak aka iso: ndien enye okut nte ewetde owo ke ibibene, mbiet mme Chaldean emi ekewetde ke ididuot,

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

HAGGAI 1:4

Nte edi ini eke mbufo ekpeduŋde ke ufɔk mbufo eke ekɔŋde ke obukpɔk, ndien ufɔk emi abiara?

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”