JEREMIAH 21:7 - Edisana ñwed Abasi Ibom

⁷ Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 21:7 ပူးပေါင်းရင်းမြစ်များ

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 47:6

Ŋkayat esit ye ikɔt mi; nsabare udeme mi, nda mmɔ nsin fi ke ubɔk: afo utuaha mmɔ mbɔm; odori mbiowo ata edidobi ɔkpɔnɔ fo.

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

JEREMIAH 15:5

Koro anie owo editua fi mbɔm, O Jerusalem? Anie edinyuŋ eseme fi? Anie edinyuŋ awaha ndibup mme ŋkpɔ ɔfɔn fi?

JEREMIAH 15:9

Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 22:25

nyenyuŋ nda fi nsin ke ubɔk mmɔ emi eyomde uwem fo, ye ke ubɔk mmɔ emi afo edikhede iso mmɔ, kpa ke ubɔk Nebuchadrezzar edidem Babylon, ye ke ubɔk mme Chaldean.

JEREMIAH 27:6

Ndien ke emi ami mmɔŋ nda kpukpru mme idut emi nsin ke ubɔk Nebuchadnezzar edidem Babylon, owo mi, mmonyuŋ nnɔ enye mme unam ikɔt ŋko, nte enam ŋkpɔ esie.

JEREMIAH 32:4

Zedekiah edidem Judah idinyuŋ ibɔhɔke mme Chaldean ke ubɔk; koro enye miditreke ndisine edidem Babylon ke ubɔk, eyenyuŋ eneme ye enye inua ye inua, enyin esie eyenyuŋ okut enyin enye eken;

JEREMIAH 34:3

Ndien afo udubɔhɔke enye ke ubɔk, koro mmɔ eyemum fi, eyenyuŋ eda fi esin enye ke ubɔk; ndien enyin fo eyekut enyin edidem Babylon, inua esie eyenyuŋ eneme ye inua fo, ndien afo eyesim Babylon.

JEREMIAH 36:29

Nyuŋ dɔhɔ Jehoiakim edidem Judah, ete, Ntem ke Jehovah ɔdɔhɔ ete, Afo ɔkɔfɔp ŋwed oro, ete, Nsinam afo ekewetde ke esit ete, Edidem Babylon iditreke ndidi ndisobo obio emi, nnyuŋ nnam owo ye unam ekure ke esit?

JEREMIAH 37:17

ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

ŊWED ESEME 2:22

Afo okokot ŋkpɔ ndik mi akan okuk kpa nte usen esop, ndien ke usen iyaresit Jehovah owo eke ɔbɔhɔde onyuŋ ɔsuhɔde iduhe. Usua omosobo mmɔ emi ŋkamade nnyuŋ mbɔkde.

EZEKIEL 23:28

Koro ntem ke Ɔbɔŋ Jehovah ɔdɔhɔ, ete, Sese, ami mmɔŋ nda fi nsin ke ubɔk mmɔ emi afo asuade, nsin ke ubɔk mmɔ emi esit fo odororede:

EZEKIEL 7:9

Enyin mi idinyuŋ ituaha fi mbɔm, ndinyuŋ nyakke: nyenɔ fi nte ekemde ye usuŋ fo; ŋkpɔ mbubiam fo eye-nyuŋ edu ke ufɔt fo; ndien mbufo eyefiɔk ete ke edi ami Jehovah mmia.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

EZEKIEL 9:10

Ndien ama edi ami ŋkɔ, enyin mi idinyeneke mbɔm; ndinyuŋ nyakke; mmada usuŋ mmɔ ndori mmɔ ke ibuot.

DEUTERONOMY 28:50

aŋwai-enyin idut eke miditeŋeke mbiowo enyin, midinyuŋ ituaha nditɔwɔŋ mbɔm: