JEREMIAH 21:5 - Edisana ñwed Abasi Ibom

⁵ Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 21:5 ပူးပေါင်းရင်းမြစ်များ

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

EXODUS 9:15

Koro ke emi ke ŋkpanyanarede ubɔk mi mmia fi, ye ikɔt fo, ke idiɔk udɔŋɔ; ndien ekpesobo fi ke ererimbot efep.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

ISAIAH 9:12

Syria ke iso, ye mme Philistine ke edem; ndien mmɔ eyeŋwaŋade inua eta Israel. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 9:21

Manasseh ata Ephraim: Ephraim onyuŋ ata Manasseh; mmɔ mbiba enam ikɔ ye Judah. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 37:10

Koro mbufo ekpewot ofuri udim-ekɔŋ mme Chaldean emi eŋwanade ekɔŋ ye mbufo, ndien mmɔ ekpesuk mbio unan mbio unan, kpukpru mmɔ ekpedaha ke enyɔŋ ke tent mmɔ, enyuŋ efɔp obio emi ke ikaŋ.

JEREMIAH 6:12

Ndien mme ufɔk mmɔ, ye iŋwaŋ mmɔ ye iban mmɔ ɔtɔ kiet eyekabare enyene owo efen: koro nyenyanare ubɔk mi ntuk mme andiduŋ isɔŋ: uyo Jehovah edi emi.

ŊWED ESEME 2:3

Enye omosibe ofuri nduk Israel ke ikaŋ iyaresit: amakabare ubɔk nnasia esie afiak edem ke iso mme asua, onyuŋ asak ke Jacob nte edemikaŋ eke atade akan okuk.

EZEKIEL 39:3

nyenyuŋ mmia fi utiga ke ubɔk ufien nduɔk, nnyuŋ nnam idaŋ fo eto fi ke nnasia eduɔŋɔ ke isɔŋ.

EZEKIEL 5:8

mmɔdo ntem ke Ɔbɔŋ Jehovah ɔdɔhɔ, ete, Sese, ami, kpa ami, nnam ikɔ ye afo: nyenyuŋ ŋkpe ikpe ye mbufo ke iso mme idut.

DEUTERONOMY 4:23

Mbufo ekpeme idem, mbak edifre ediomi Jehovah Abasi mbufo, emi enye okodiomide ye mbufo, ndien eka ekenam edisɔi mbiet ŋkpɔ ekededi ke idem mbufo, emi Jehovah Abasi fo akpande fi.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?