JEREMIAH 21:2 - Edisana ñwed Abasi Ibom

² Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 21:2 ပူးပေါင်းရင်းမြစ်များ

GENESIS 10:10

Ndien editɔŋɔ ubɔŋ esie ekedi Babel, ye Erech, ye Accad, ye Calneh, ke isɔŋ Shinar.

2 NDIDEM 1:3

Ndien angel Jehovah ɔdɔhɔ Elijah Tishbite, ete, Daha ke enyɔŋ, dɔk kosobo ye mme isuŋ-utom edidem Samaria, nyuŋ bup mmɔ, ete, Ndi koro Abasi miduhe ke Israel, esin mbufo eka ndibup Baal-zebub abasi Ekron?

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 CHRONICLES 32:21

Ndien Jehovah ɔdɔŋ angel okosobo kpukpru mbon uko, ye mbɔŋ ye mme etubom nna-ekɔŋ edidem Assyria. Ndien enye ada but ke iso ɔnyɔŋ ke idut esie. Ekem adaŋemi enye odukde ke ufɔk abasi esie, mmɔ emi eketode enye ke idem ewot enye do ke ofut.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

JEREMIAH 15:11

Jehovah ɔdɔhɔ, ete, Nditreke nditat fi nnɔ mfɔn; nditreke ndinam mme asua ekpe fi ubɔk ke ini idiɔk ye ke ini ukut.

JEREMIAH 21:3

Ndien Jeremiah ɔdɔhɔ mmɔ, ete, Ntem ke mbufo edidɔhɔ Zedekiah, ete,

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 34:1

UYO emi okoto Jehovah osim Jeremiah, ke ini Nebuchadnezzar edidem Babylon ye ofuri mbon-ekɔŋ esie, ye kpukpru mme idut ke edem emi ubɔk esie akarade, ye kpukpru mme obio, eŋwanade ekɔŋ ye Jerusalem, ye kpukpru mme obio mmɔ, ete,

JEREMIAH 37:17

ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 37:7

Ntem ke Jehovah Abasi Israel ɔdɔhɔ, ete, Mbufo edɔhɔ ntem ye edidem Judah emi ɔdɔŋde mbufo utom ke ɔtɔ mi ndibup mi ŋkpɔ, ete, Sese, mbon-ekɔŋ Pharaoh emi eketode edi ndiŋwam mbufo, eyenyɔŋ ke Egypt isɔŋ mmɔ.

EZEKIEL 7:26

Idiɔk eyetiene idiɔk; etop eyenyuŋ ɔkɔrɔ ke etop; ndien mmɔ eyeyom ŋkukut prophet: ewuhɔ oku eyenyuŋ atak, ye item mbio-owo.

JUDGES 20:27

Ndien nditɔ Israel ebup Jehovah (ekebe ediomi Abasi onyuŋ odu do ke usen oro;

1 SAMUEL 10:22

Ndien mmɔ eyom enye, edi ikwe. Ndien mmɔ etɔŋɔ ntak ebup Jehovah, ete, Nte owo emi edidi ken? Ndien Jehovah ɔbɔrɔ ete, Sese, enye aka okodibe ke otu mkpoduoho.

1 SAMUEL 28:15

Ndien Samuel ɔdɔhɔ Saul, ete, Afo anam didie otimere mi ke edinam mi ndɔk ndi? Ndien Saul ɔbɔrɔ ete, Mmetie ke ata itie ukut: ndien mme Philistine ke eŋwana ekɔŋ ye ami, Abasi ama onyuŋ akabare ɔkpɔŋ mi, inyuŋ ibɔrɔke aba mi ke ubɔk mme prophet, ye ke ndap: mmɔdo ŋkotde fi, man afo eteme mi se ndinamde.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.