JEREMIAH 21:12 - Edisana ñwed Abasi Ibom

¹² O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 21:12 ပူးပေါင်းရင်းမြစ်များ

2 SAMUEL 8:15

Ntre ke David edi edidem ofuri Israel; David onyuŋ ekpe edinen ikpe ɔnɔ kpukpru ikɔt esie.

ŊWED JOB 29:17

Nnyuŋ mbuŋ idiɔk owo edet; nnyuŋ nsio enye se enye omumde mfep ke edet.

ŊWED MME PSALM 101:8

Ke usenubɔk ke ndisobo kpukpru mme idiɔk mbio-obio; man nsibe kpukpru mme anam idiɔk ke obio Jehovah mfep.

EXODUS 18:13

Edikem eyo esiere, ndien Moses etie do ekpe ikpe kpukpru owo: ndien mmɔ eda ke ɔtɔ Moses, ɔtɔŋɔde ke usenubɔk tutu osim mbubreyo.

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 7:13

Ndien enye ɔdɔhɔ ete, Mbufo, ufɔk David, ekop ndien; nte erifek owo ekekpri akan mbufo, mme oro esin mbufo efek Abasi mi ŋko?

ISAIAH 7:2

Ndien etɔt ufɔk David, ete, Syria ke ɔsuhɔre etie ke otu Ephraim. Ndien esit enyek enye, onyuŋ enyek ikɔt esie, kpa nte ini ofum enyeŋede eto akai.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 23:19

Sese, oyobio Jehovah ɔwɔrɔ ke iyaresit, kpa ibumere-ibumere oyobio: eyebumere ɔtɔ mme idiɔk owo ke ibuot.

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

JEREMIAH 5:28

Mmɔ ekpon ubom, esem; enyuŋ ekan kpa ido mme idiɔk owo: mmɔ ibiereke ikɔ, kpa ikɔ eyen-akpa, ndien ekut unen: inyuŋ ikpehe ikpe mme ubuene.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

JEREMIAH 7:5

Edi mbufo ema etim ekabare usuŋ mbufo ye ido mbufo enam ɔfɔn: ema etim enam se inende ke ufɔt owo ye mbɔhiduŋ esie;

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 22:31

Ndien ŋŋwaŋa mmɔ ikpahaesit mi ke idem; nnyuŋ nsobo mmɔ ke ifuresit mi; nnyuŋ nda usuŋ mmɔ ndori mmɔ ke ibuot. Uyo Ɔbɔŋ Jehovah edi emi.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

LUKE 1:69

Onyuŋ anam nduk erinyaŋa otibe ɔnɔ nnyin Ke ufɔk owo Esie David,

ŊWED MBON ROME 13:4

koro enye edide anam-utom Abasi, man ŋkpɔ ɔfɔn ye afo. Edi edieke afo anamde se idiɔkde, fehe ndik; koro enye ikamake ofut ke ikpikpu: koro enye edi anam-utom Abasi, andisio usiene ndiyarare iyaresit ye enye emi anamde idiɔk.

DEUTERONOMY 32:22

Koro ikaŋ obuberede ke iyaresit mi, eyenyuŋ ɔfɔp tutu osim ke udem hell, onyuŋ ata isɔŋ ye mbuŋwum-ŋkpɔ esie, onyuŋ okim ikaŋ ke itie obot.