JEREMIAH 21:1 - Edisana ñwed Abasi Ibom

¹ IKƆ emi okoto Jehovah osim Jeremiah, ke ini oro Zedekiah edidem ɔkɔdɔŋde Pashhur eyen Malchijah, ye Zephaniah eyen Maaseiah oku utom ke ɔtɔ esie, ete,

JEREMIAH 21:1 ပူးပေါင်းရင်းမြစ်များ

2 NDIDEM 22:13

Mbufo eka ekebup Jehovah enɔ mi, ye mbio emi, ye ofuri Judah, ebaŋa ikɔ ŋwed emi ekutde: koro iyaresit Jehovah emi asakde ye nnyin omokpon eti, koro mme ete nnyin mikokopke ikɔ ŋwed emi, mikonyuŋ inamke kpukpru se ewetde ebaŋa nnyin.

1 CHRONICLES 3:15

akpan Johanan, udɔ Jehoiakim, ududɔ Zedekiah, ɔyɔhɔ inaŋ Shallum.

1 CHRONICLES 9:12

ye Adaiah eyen Jeroham, eyen Pashhur, eyen Malchijah, ye Maasai eyen Adiel, eyen Jahzerah, eyen Meshullam, eyen Meshillemith, eyen Immer;

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

NEHEMIAH 11:12

Ndien nditɔ-ete mmɔ emi enamde utom ufɔk, edi owo ikie itiaita ye edip ye iba: ye Adaiah eyen Jeroham, eyen Pelaliah, eyen Amzi, eyen Zechariah, eyen Pashhur, eyen Malchijah,

JEREMIAH 29:25

Ntem ke Jehovah mme udim Abasi Israel ɔdɔhɔ, ete, Koro afo ekewetde ŋwed ke enyiŋ fo ɔnɔ esɔk kpukpru owo eke edude ke Jerusalem, ye Zephaniah eyen Maaseiah oku, ye kpukpru mme oku, ete;

JEREMIAH 29:29

Ndien Zephaniah oku okot ŋwed emi esin ke utɔŋ Jeremiah prophet.

JEREMIAH 35:4

ndien nda mmɔ ndi ke ufɔk Jehovah, ke ubet nditɔ Hanan, eyen Igdaliah, owo Abasi, emi odude ke ŋkaŋ ubet mbɔŋ, emi odude ke enyɔŋ ubet Maaseiah eyen Shallum emi ekpemede inua otop.

JEREMIAH 37:1

EKEM edidem Zedekiah eyen Josiah ada ubɔŋ ke ibuot Coniah eyen Jehoiakim, emi Nebuchadrezzar edidem Babylon okonimde ke edidem ke isɔŋ Judah.

JEREMIAH 37:17

ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 37:7

Ntem ke Jehovah Abasi Israel ɔdɔhɔ, ete, Mbufo edɔhɔ ntem ye edidem Judah emi ɔdɔŋde mbufo utom ke ɔtɔ mi ndibup mi ŋkpɔ, ete, Sese, mbon-ekɔŋ Pharaoh emi eketode edi ndiŋwam mbufo, eyenyɔŋ ke Egypt isɔŋ mmɔ.

JEREMIAH 38:1

NDIEN Shephatiah eyen Mattan, ye Gedaliah eyen Pashhur, ye Jucal eyen Shelemiah, ye Pashhur eyen Malchijah ekop ikɔ oro Jeremiah eketinŋde ɔnɔ kpukpru owo, ete,

JEREMIAH 38:14

Ndien Zedekiah edidem ɔdɔŋ ekeda Jeremiah prophet esɔk enye ke ɔyɔhɔ enyin-usuŋ ita emi odude ke ufɔk Jehovah; ndien edidem ɔdɔhɔ Jeremiah, ete, Ami mmɔŋ mbup fi ŋkpɔ kiet; kudip mi baba ikɔ kiet.

JEREMIAH 52:24

Ndien etubom mbon-ukpeme edidem ada Seraiah akpan oku ye Zephaniah udiana oku, ye mme etie usuŋ mbita: