JEREMIAH 20:9 - Edisana ñwed Abasi Ibom

⁹ Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 20:9 ပူးပေါင်းရင်းမြစ်များ

ŊWED MME PSALM 39:3

Esit mi ofiop mi ke idem, ke ntiede ŋkere ikaŋ obubere asak: ndɔhɔ ke edeme mi, nte,

JEREMIAH 23:29

Jehovah ɔdɔhɔ, ete, Nte ikɔ mi ibietke ikaŋ? nte ibietke hammer eke obomde akamba itiat?

JEREMIAH 23:9

Esit ɔbuŋɔ mi ke idem abaŋa mme prophet; kpukpru mme ɔkpɔ mi enyek; ŋkabare mbiet owo eke akpade mmin, mbiet owo eke mmin akande, mbaŋa Jehovah ye edisana ikɔ esie.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

JEREMIAH 6:11

Ndien iyaresit Jehovah ɔyɔhɔ mi ke idem; idem emem mi ke mmum-ŋkama: nyeŋwaŋa enye ke idem eyenɔwɔŋ ke esien, ye ke otu mkparawa ini kiet: koro eyeda ebe ye ŋwan ŋko, ye mbiowo ye owo eke uwem ɔyuhɔde enye.

EZEKIEL 3:14

Ntem ke spirit emenere mi, onyuŋ ada mi efep, ndien nsaŋa ke idot ye ke ufiop spirit mi; ubɔk Jehovah onyuŋ odoro mi ɔkpɔsɔŋ.

EZEKIEL 3:3

Ndien enye ɔdɔhɔ mi, ete, Eyen owo, nam idibi fo adia ikpa-ŋwed emi ami nnɔde fi, nyuŋ sin enye ke nsia fo yɔhɔ. Ndien ami ndia, ndien ŋwed akabare eniŋe mi ke inua nte aran-ɔkwɔk.

AMOS 3:8

Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?

JONAH 1:2

Daha ke enyɔŋ ka ke Nineveh akwa obio oro, nyuŋ kwɔrɔ baŋa enye, koro idiɔk ido mmɔ ɔmɔdɔk edi ke iso mi.

JONAH 1:3

Ndien Jonah adaha ke enyɔŋ, ete ifehe ika Tarshish, ikpɔŋ iso Jehovah, ndien enye ɔsuhɔre aka Joppa, okokut ubom mbakara kiet emi oyomde ndika Tarshish; ndien enye ɔnɔ utip ubom, onyuŋ ediere ke esit, ete itiene mmɔ ika Tarshish, ikpɔŋ iso Jehovah.

LUKE 9:62

Edi Jesus ɔdɔhɔ enye ete, Baba owo kiet emi akabarede ese edem, ke enye ama ekesin ubɔk ke ufuŋ-isɔŋ, ikemke ndinam utom Ubɔŋ Abasi.

UTOM MME APOSTLE 17:16

Ke adaŋemi Paul etiede ke Athens ebet mmɔ, esit ayat enye ndikut nte ndem eyɔhɔde ke obio.

UTOM MME APOSTLE 18:5

Edi ke ini Silas ye Timothy etode ke Macedonia edi, ukwɔrɔ-ikɔ Abasi efik Paul, enye onyuŋ otim asian mme Jew ete Jesus edi Christ.

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.