JEREMIAH 20:6 - Edisana ñwed Abasi Ibom

⁶ Ndien ama edi afo, Pashhur, ye kpukpru mme andiduŋ ufɔk fo, mbufo eyeka ke otu mbon ntaŋ-mfep; ndien afo eyesim Babylon, onyuŋ akpa do, onyuŋ ɔbuhɔ do, afo, ye kpukpru mme ufan fo emi afo etiŋde nsunsu o-prophecy ɔnɔ mmɔ.

JEREMIAH 20:6 ပူးပေါင်းရင်းမြစ်များ

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

JEREMIAH 14:13

Ndien ami ndɔhɔ, nte O Ɔbɔŋ Jehovah, sese mme prophet edɔhɔ mmɔ, ete, Mbufo idikwe ofut, akaŋ idinyuŋ inamke mbufo; koro nyenɔ mbufo akpan ifure ke ebiet emi.

JEREMIAH 14:16

Ndien ama edi mbio emi mmɔ etiŋde prophecy enɔ mmɔ, ofut ye akaŋ eyesin mmɔ eduɔŋɔ ke mme efak Jerusalem: ndien idikwe owo eke edibukde mmɔ, kpa mmɔ, ye iban mmɔ, ye nditɔ-iren mmɔ, ye nditɔ-iban mmɔ: ndien nyeda idiɔk ido mmɔ ŋwaŋa mmɔ ke idem.

JEREMIAH 20:1

EKEM Pashhur eyen Immer oku emi edide akpan etubom ufɔk Jehovah, okop nte Jeremiah etiŋde prophecy emi.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JEREMIAH 29:32

mmɔdo ntem ke Jehovah ɔdɔhɔ ete, Sese, ami mmɔŋ nda ufen ntiene Shemaiah Nehelamite ye ubon esie: enye idinyeneke baba owo kiet eke editiede ke otu mbio-obio emi; idinyuŋ ikwe mfɔn eke ami ndinamde ye mbio-obio emi; koro enye ɔkɔdɔhɔde ikɔ emiom ye Jehovah. Uyo Jehovah edi emi.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 22:28

Mme prophet esie enyuŋ eyet mmɔ ndom, ekut nsu, enyuŋ ebre idiɔŋ abiaŋa enɔ mmɔ, edɔhɔ ete, Ntem ke Ɔbɔŋ Jehovah ɔdɔhɔ, ndien Jehovah idɔhɔke.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

ZECHARIAH 13:3

Ndien ama ekem, edieke owo osuk etiŋde prophecy, ndien ete esie ye eka esie emi akamande enye eyedɔhɔ enye, ete, Afo ududuhe uwem, koro afo osude nsu ke enyiŋ Jehovah: ndien ete esie ye eka esie emi akamande enye, eyekim enye ewot, koro enye etiŋde prophecy.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.