JEREMIAH 20:5 - Edisana ñwed Abasi Ibom

⁵ Ndien nyeda ofuri inyene obio emi, ye ofuri utom esie, ye kpukpru ŋkpɔ-uto esie, nnyuŋ nda kpukpru inyene oro ndidem Judah ekenimde, nsin ke ubɔk mme asua mmɔ ndien mmɔ eyebume mmɔ, enyuŋ eda mmɔ ebiom enyɔŋɔ ke babylon.

JEREMIAH 20:5 ပူးပေါင်းရင်းမြစ်များ

2 CHRONICLES 36:10

Ekem ke ukabare isua Nebuchadnezzar ɔdɔŋ ekeda enye edi ke Babylon, ye ŋkpɔ-uto ufɔk Jehovah, onyuŋ ada Zedekiah eyen-ete esie onim ke edidem Judah ye Jerusalem.

ISAIAH 39:6

eke mmɔ edimende kpukpru se idude ke ufɔk fo, ye eke mme usɔ ekekɔde enim tutu osim mfin emi, eka ke Babylon. Jehovah ɔdɔhɔ, ete,

JEREMIAH 12:12

Mmɔ eke ebiatde emedɔk ke enyɔŋ kpukpru ikpɔ obot ke wilderness: koro ofut Jehovah adiade, ɔtɔŋɔde ke utit isɔŋ kiet tutu osim utit isɔŋ eken: baba obukidem idikwe emem.

JEREMIAH 15:13

Nyeda inyene fo ye ŋkpɔ-uto fo, nnɔ ke ŋkpɔ mbume, nnɔŋɔ ke ekɔm-urua, edi mbaŋa kpukpru mme idiɔk ido fo, ye ke esit ofuri adaŋa fo.

JEREMIAH 17:3

O akwa obot mi ke iŋwaŋ, nyeda inyene fo ye kpukpru ŋkpɔ-uto fo nnɔ ke ŋkpɔ mbume, ŋkokoŋo ebiet fo eyedu ke idiɔk ŋkpɔ ke ofuri adaŋa fo.

JEREMIAH 3:24

Koro ŋkpɔ but oro amadia utom mme ete nnyin toto ke ini uyen nnyin; amadia ŋkpri ufene mmɔ ye enaŋ mmɔ, ye nditɔ-iren mmɔ, ye nditɔ-iban mmɔ.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 39:2

Ke ɔyɔhɔ isua Zedekiah duope-kiet, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ usukkiet, obio ɔbuŋɔ.

JEREMIAH 39:8

Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.

JEREMIAH 4:20

Mmɔ ebuk ŋwure ekɔrɔ ke ŋwure: koro ofuri isɔŋ amabiara: mme tent mi emebiara ke isɔrɔ kiet, mme ikpehe mi emebiara ke idaha kiet.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

ŊWED ESEME 1:7

Jerusalem eti kpukpru ŋkpɔ-uto esie eke ekedude ke ini eset, ke ini eke etukde enye enyuŋ ekɔbɔde enye, ke ini ikɔt esie eduɔŋɔde ke ubɔk mme asua, ndien baba owo kiet eke aŋwamde enye miduhe: mme asua esie ekut enye enyuŋ esak ŋwure esie.

ŊWED ESEME 4:12

Ndidem ererimbot ye kpukpru mme andiduŋ ekondo baba kiet ikpenimke ke akpanikɔ, ite ke owo usua ye owo utɔk ekpeduk ke inua-otop Jerusalem.

EZEKIEL 22:25

Odu mme prophet esie odu ke esit, kpa nte lion okunide awai ŋkpɔ; mmɔ emeta ukpɔŋ; emeda inyene ye ŋkpɔuto: emenam mme ebe-akpa esie ewak ke esit.

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.

HOSEA 13:15

Koro enye ɔtɔtde ke otu nditɔ-ete esie, ofum ikɔrabak, ofum Jehovah eke otode ke wilderness ɔdɔk, eyedi, ndien idim mmɔŋ esie eyesat; obube mmɔŋ esie eyenyuŋ osomo: enye eyebume ebiet eke enimde kpukpru ŋkpɔ uto.