JEREMIAH 20:4 - Edisana ñwed Abasi Ibom

⁴ Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 20:4 ပူးပေါင်းရင်းမြစ်များ

2 NDIDEM 25:7

Mmɔ enyuŋ ewot nditɔ-iren Zedekiah ke iso esie, enyuŋ etibi Zedekiah enyin, enyuŋ ekɔbi enye ŋkpɔkɔbi okpoho, eda enye enyɔŋ ke Babylon.

ŊWED MME PSALM 73:19

Didie ke mmɔ ekabare edi ŋkpɔ nsobo ke idaha kiet! Mmɔ emekure ke akpakop ŋkpɔ ndik.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 13:19

Mme obio ke edem usuk emesire, baba owo kiet inyuŋ ikpɔhɔkede: emetaŋ ofuri Judah efep, etaŋ mmɔ efep ema.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 20:6

Ndien ama edi afo, Pashhur, ye kpukpru mme andiduŋ ufɔk fo, mbufo eyeka ke otu mbon ntaŋ-mfep; ndien afo eyesim Babylon, onyuŋ akpa do, onyuŋ ɔbuhɔ do, afo, ye kpukpru mme ufan fo emi afo etiŋde nsunsu o-prophecy ɔnɔ mmɔ.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 29:21

ntem ke Jehovah mme udim, Abasi Israel, ɔdɔhɔ Ahab eyen Kolaiah, ye Zedekiah eyen Maaseiah, emi eketiŋde nsunsu o-prophecy enɔ mbufo ke enyiŋ mi: sese, nyemen mmɔ nsin Nebuchadrezzar edidem Babylon ke ubɔk; ndien enye eyewot mmɔ ke iso mbufo.

JEREMIAH 46:5

Nnam didie ŋkut mmɔ edikhe? Mmɔ ekabare efiak edem; mbon uko mmɔ enyuŋ esuana, enyuŋ efeŋe itɔk, inyuŋ ikabakede ise. Ndik akan okuk; Jehovah ɔdɔhɔ.

JEREMIAH 52:24

Ndien etubom mbon-ukpeme edidem ada Seraiah akpan oku ye Zephaniah udiana oku, ye mme etie usuŋ mbita:

JEREMIAH 52:27

Ndien edidem Babylon ɔtɔ mmɔ owot ke Riblah, ke isɔŋ Hamath; onyuŋ ataŋ Judah ke isɔŋ mmɔ efep.

JEREMIAH 6:25

Kuwɔrɔ uka iŋwaŋ, kunyuŋ usaŋa ke usuŋ: koro mme asua ekamade ofut: ndik akan okuk.

1 SAMUEL 2:33

Ndien ndisibeke owo fo mfep ke itie uwa mi, man enyin okpokim fi, esit okponyuŋ ayat fi: edi ofuri ŋkɔri ufɔk fo eyekpaŋa ke ini mmɔ edide iren-owo.