JEREMIAH 20:18 - Edisana ñwed Abasi Ibom

¹⁸ Nsinam emi ŋkotode ke itie-eyen ndikut ukut ye ubaha, man mme usen mi ekpetak ke but?

JEREMIAH 20:18 ပူးပေါင်းရင်းမြစ်များ

1 NDIDEM 19:4

Ndien enye ada isaŋ usen kiet oduk ke wilderness, ndien aka eketie ke idak eto juniper kiet: onyuŋ ebeŋe ke idem esie ete ikpa; onyuŋ ɔdɔhɔ ete, Ekem, ndien; O Jehovah, kam bɔ mi uwem: koro mme-mfɔnke ŋkan mme ete mi.

ŊWED JOB 14:1

OWO eke ŋwan amande ɔmuhɔ usen, onyuŋ ɔyuhɔ ukut:

ŊWED JOB 14:13

Afo akpakam odip mi ke obio ekpo, onyuŋ onim mi ke ndibe ebiet, tutu iyaresit fo ebe, onyuŋ odori mi ini, ndien eti mi!

ŊWED JOB 3:20

Nsinam enye adade uŋwana ɔnɔ mbon ukut, ada uwem ɔnɔ mbio eke esit odorode mmɔ:

ŊWED JOB 5:7

Edi owo amana ɔnɔ ukut, kpa nte ebuaikaŋ efede edɔk ke enyɔŋ.

ŊWED MME PSALM 102:3

Koro usen mi esuanade nte nsuŋikaŋ, mme ɔkpɔ mi enyuŋ efɔbɔ nte ifia ikaŋ.

ŊWED MME PSALM 69:19

Afo ɔmɔfiɔk esuene mi, ye but mi ye esari mi: kpukpru mme asua mi edu fi ke iso. Esuene ɔmɔbuŋ mi esit;

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

JEREMIAH 15:10

Ɔdiɔk ye ami, O eka mi, koro afo akamande mi owo utɔk, ye owo eŋwan ɔnɔ ofuri isɔŋ! Ami nnɔŋɔ owo ŋkpɔ ke ebuɔt, owo inyuŋ inɔŋɔ mi ke ebuɔt; kpukpru owo etɔk mi.

JEREMIAH 15:18

Nsinam ubiak mi ebigide ke nsinsi? Nsinam unan ɔdiɔkde mi ntem, minyimeke ndikpa? Nte afo ɔmɔŋ etie ye ami nte osu-nsu, ye nte mmɔŋ eke asatde.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

JEREMIAH 8:18

Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

ŊWED ESEME 1:12

Nte mbufo emi esaŋade ke usuŋ ebe ikereke? Mbufo etiŋ enyin enyuŋ ese me ndutuhɔ odu eke ebietde ndutuhɔ emi enamde mi, emi Jehovah ɔkɔtuhɔde mi ke usen ikaŋ iyaresit esie.

ŊWED ESEME 3:1

AMI ndi owo eke okutde ukut eke otode ke eto iyaresit esie.

HABAKKUK 1:3

Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

MME HEBREW 10:36

Koro ana nte mbufo enyene ime man ebɔ se Abasi ɔkɔŋwɔŋɔde, ke ema ekenam se Enye amade.

MME HEBREW 11:36

Mmɔ efen ekut idomo oto nsahi ye ufen ye ŋkpɔkɔbi ye ufɔk-ŋkpɔkɔbi ŋko;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.