JEREMIAH 20:16 - Edisana ñwed Abasi Ibom

¹⁶ Yak owo oro onyuŋ ebiet mme obio eke Jehovah okosobode, ndien mituaha mkpɔfiɔk: enye onyuŋ okop mfiori ke usenubɔk, ye mkpo ke ini ufɔt uwemeyo.

JEREMIAH 20:16 ပူးပေါင်းရင်းမြစ်များ

JEREMIAH 18:22

Yak ekop eseme eke otode ke ufɔk mmɔ, ke ini afo edidade otu owo edibuat mmɔ: koro mmɔ etibide obube, ete imum mi, enyuŋ ekɔkde afia enɔ ukot mi.

JEREMIAH 18:8

ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 4:19

Nsia mi! nsia mi! ɔwɔŋ esit mi abiak mi; esit mi eseme ɔnɔ mi; ndidopke uyo, koro, O ukpɔŋ mi, ŋkopke uyo ukorowo ye mkpo ekɔŋ.

ŊWED ESEME 4:6

Idiɔk ido adiaha oruk mi onyuŋ okpon akan ukwaŋ-ŋkpɔ Sodom, emi okosobode ke idaha kiet, ndien idige ubɔk owo otuk enye.

EZEKIEL 21:22

Idiɔŋ Jerusalem odu enye ke ubɔk nnasia, ete, inim ŋkpɔ uwuri ibibene, itat inua ibaŋa eriwot owo, isio uyo mkpo, ete inim ŋkpɔ uwuri ke mme inua-otop, ete ikubi ibombom, inyuŋ ikɔŋ akwa ufɔk ekɔŋ.

HOSEA 10:14

Ndien ndutime otibe ke otu mbio-obio fo, eyenyuŋ esobo kpukpru mkpɔsɔŋ ebiet fo, kpa nte Shalman okosobode Beth-arbel ke usen ekɔŋ: ekesuok eka ekɔrɔ ye nditɔ esie.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

AMOS 1:14

Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

AMOS 2:2

Ndien nyekim ikaŋ ke Moab, eke editade ikpɔ ufɔk Kerioth: ndien Moab eyekpa ke ndutime ye ke mkpo, ye ke uyo ukorowo.

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

JONAH 3:4

Ndien Jonah ɔtɔŋɔ ndiduk ke obio isaŋ usen kiet; ndien enye ɔkwɔrɔ onyuŋ ɔdɔhɔ, ete, Osuk kaŋa usen aba, ndien Nineveh eyebiara.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

ZEPHANIAH 1:16

usen ukorowo ye mkpo ekɔŋ eke eŋwanade ye mme obio ye mme obio ibibene ye mme edikoŋ tower.

ZEPHANIAH 2:9

Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

LUKE 17:29

edi ke usen oro Lot ɔwɔrɔde ke Sodom, ikaŋ ye itai eto ke enyɔŋ edep edisobo mmɔ kpukpru:

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie:

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.