JEREMIAH 20:10 - Edisana ñwed Abasi Ibom

¹⁰ koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 20:10 ပူးပေါင်းရင်းမြစ်များ

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 NDIDEM 22:27

nyuŋ dɔhɔ ete, Ntem ke edidem ɔdɔhɔ ete, Mbufo esin owo emi ke ufɔk ukwak, enyuŋ eda uyo ukut, ye mmɔŋ ukut ebɔk enye, tutu ami ndi ke ifure.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

ŊWED JOB 19:19

Kpukpru mbon odu mi ese mi ke ŋkpɔ ndek: mmɔ emi mmade emenyuŋ ekabare esua mi.

ŊWED MME PSALM 31:13

Koro ŋkopde mbia emi ediwak owo ebiade: ndik akan okuk; ke ini mmɔ edukde odu ebaŋa mi, mmɔ eyom usuŋ nte ebɔde mi uwem.

ŊWED MME PSALM 31:14

Edi ami mbuɔt idem mi ye afo, O Jehovah; ndɔhɔ nte, “Afo edi Abasi mi.”

ŊWED MME PSALM 41:10

Edi afo, O Jehovah, tua mi mbɔm, nyuŋ menere mi nim ke enyɔŋ, ndien nyesio usiene ye mmɔ.

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

ŊWED MME PSALM 57:4

Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.

MME ŊKE 10:18

Owo eke odipde usua edi owo inua nsu: ndien etiŋ ikɔ-edem onyuŋ edi ndisime.

ISAIAH 29:21

emi enamde ikpe otip owo ke ikɔ, enyuŋ ekɔkde afia enɔ ebiere-ikpe ke inua-otop, enyuŋ eda nsu enuk edinen owo efep.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 11:19

Ndien ami mbiet suŋ-suŋ eyen erɔŋ eke edade ekewot. Ndien ami mfiɔkke nte ekeduakde uduak ebaŋa mi, ete, Eyak nnyin isobo eto ye mfri esie, inyuŋ isibe enye ifep ke isɔŋ mme andidu uwem: ndien mmɔ iditihi aba enyiŋ esie.

JEREMIAH 11:21

Mmɔdo, ntem ke Jehovah ɔdɔhɔ abaŋa nditɔ Anathoth, emi eyomde uwem fo, ete, Kuda enyiŋ Jehovah utiŋ prophecy, mbak afo edikpa ke ubɔk nnyin:

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 20:3

Edikem mkpɔŋ, Pashhur osio Jeremiah ke ebuka. Ndien Jeremiah ɔdɔhɔ enye, ete, Jehovah ikotke aba enyiŋ fo, ite, Pashhur (uforo kpukpru,) edi okot, ete, Margor-missabib (ndik akan okuk.)

JEREMIAH 37:13

Ndien ke ini enye odude ke inua otop Benjamin, etubom mbon ukpeme odu do, ekere Irijah eyen Shelemiah, eyen Hananiah: ndien enye omum Jeremiah prophet, ete, Afo ke oyom ndidiana ye mme Chaldean.

JEREMIAH 6:25

Kuwɔrɔ uka iŋwaŋ, kunyuŋ usaŋa ke usuŋ: koro mme asua ekamade ofut: ndik akan okuk.

EZEKIEL 22:9

Mmɔ eke esaŋade mbia man eduɔk iyip, ke edu ke ufɔt fo: mmɔ enyuŋ edia ŋkpɔ ke enyɔŋ obot ke ufɔt fo: enam oburobut ido ke ufɔt fo.

DANIEL 6:4

Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

LUKE 20:20

Ekem mmɔ etiŋ enyin ekpeme Enye, enyuŋ edɔŋ mbon-uyep, emi ewutde idem ete idi ndinen owo, man mmɔ emum Enye ikɔ inua, man oto do eyak Enye esin ke ubɔk andikara ndikpe ikpe ye Enye.

UTOM MME APOSTLE 24:13

Mmɔ ikemeke ndiwut fi, ete, se mme imɔ etiŋde idian mi edi akpanikɔ.

UTOM MME APOSTLE 5:33

Edi ke ini mmɔ ekopde ikɔ emi, esit ofut mmɔ eti-eti, mmɔ enyuŋ eyom ndiwot mmɔ oro.

UTOM MME APOSTLE 7:54

Edi ke adaŋemi mmɔ ekopde ŋkpɔ emi, esit ofut mmɔ eti-eti, mmɔ enyuŋ eta edet ese enye.