JEREMIAH 2:9 - Edisana ñwed Abasi Ibom

⁹ Jehovah ɔdɔhɔ ete, Oro esin nsuk ntɔhɔ ye mbufo, nyenyuŋ ntɔhɔ ye nditɔ nditɔ mbufo ŋko.

JEREMIAH 2:9 ပူးပေါင်းရင်းမြစ်များ

ŊWED MME PSALM 50:4

Enye eyefiori okot heaven ke enyɔŋ, ye isɔŋ, ete ikpe ikpe ikɔt imɔ.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

ISAIAH 3:13

Jehovah adaha ada ndibiere ikɔ, onyuŋ ada ndikpe mme idut.

ISAIAH 43:26

Nam mi nti: yak nnyin ikpe ikɔ ɔtɔ kiet: afo tiŋ man akaŋ idem fo.

JEREMIAH 2:29

Jehovah ɔdɔhɔ, ete, Mbufo edinam didie etɔhɔ ye ami?

JEREMIAH 2:35

Ndien afo ɔdɔhɔ, ete, Koro mmennyeneke se nduede, ŋkɔm enye eyemen mi iyaresit esie ke idem efep. Sese, ami nyekpe ikpe ye afo: koro afo ɔdɔhɔde, ete, nnamke idiɔk.

HOSEA 12:3

Enye odu ke itie-eyen omum eyen-eka esie nditiŋ-ikpat, onyuŋ ada odudu esie aŋwana ye Abasi.

HOSEA 2:2

Mbufo etɔhɔ ye eka mbufo, etɔhɔ: koro enye midige ŋwan mi, ami nnyuŋ ndige ebe esie: yak enye osio ndien use esiemɔ ke iso esie efep, onyuŋ osio efibe esiemɔ ke ufɔt eba esie efep; mbak ndifuhɔre enye iferi,

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

LEVITICUS 20:5

ndien ami nyewuk iso mi nse owo oro, ye oruk esie, nnyuŋ nsibe enye, ye kpukpru mmɔ eke etienede enye enam use ye Molech, ke otu mbio-obio mmɔ mfep.

MICAH 6:2

Ikpɔ obot ye ikpɔ itiat emi ererimbot odorode ke esit, mbufo ekop utɔk Jehovah: koro Jehovah ɔtɔhɔde utɔk ye ikɔt esie, onyuŋ anamde ikɔ ye Israel.