JEREMIAH 2:4 - Edisana ñwed Abasi Ibom

⁴ Mbufo ufɔk Jacob, ye kpukpru ubon ufɔk Israel, ekop uyo Jehovah:

JEREMIAH 2:4 ပူးပေါင်းရင်းမြစ်များ

JEREMIAH 10:1

O UFƆK Israel, mbufo ekop ikɔ emi Jehovah ɔdɔhɔde mbufo:

JEREMIAH 13:15

Mbufo ekop, enyuŋ ekpaŋ utɔŋ: ekuseri iseri: koro Jehovah ɔmɔdɔhɔ.

JEREMIAH 19:3

nyuŋ dɔhɔ ete, Mbufo mbɔŋ Judah ye mme andiduŋ Jerusalem, ekop uyo Jehovah; ntem ke Jehovah mme udim Abasi Israel ɔdɔhɔ, ete, Sese, mmɔŋ nda idiɔk-ŋkpɔ ntiene ebiet emi, ndien enye eyeduat utɔŋ kpukpru owo eke ekopde enye.

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

JEREMIAH 2:5

ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,

JEREMIAH 31:1

JEHOVAH ɔdɔhɔ, ete, Ke ini oro nyedi Abasi kpukpru ufɔk Israel, ndien mmɔ eyedi ikɔt mi.

JEREMIAH 33:24

Nte afo ukwe se mbio emi edɔhɔde, ete ke Jehovah emen ufɔk mbiba emi enye ekemekde mmɔ ɔduɔk? Ntre ke mmɔ esin ikɔt mi ke ndek, inyuŋ ibatke aba mmɔ ke obio.

JEREMIAH 34:4

Edi, O Zedekiah edidem Judah, kop uyo Jehovah; ntem ke Jehovah ɔdɔhɔ abaŋa fi, ete, Afo udukpaha ke ofut:

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

JEREMIAH 7:2

nyuŋ kwɔrɔ ikɔ emi do, nyuŋ dɔhɔ, ete, Ekop uyo Jehovah, mbufo ofuri ufɔk Judah, emi ebede inua-otop emi eduk edituak ibuot enɔ Jehovah.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

MICAH 6:1

MBUFO ekop ndien se Jehovah ɔdɔhɔde, ete, Daha ke enyɔŋ, kpe ikɔ ke iso ikpɔ obot, nyuŋ yak ŋkpri obot ekop uyo fo.