JEREMIAH 2:36 - Edisana ñwed Abasi Ibom

³⁶ Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

JEREMIAH 2:36 ပူးပေါင်းရင်းမြစ်များ

2 CHRONICLES 28:16

Ke ini oro Ahaz edidem ɔdɔŋ utom ke ɔtɔ ndidem Assyria, ete eŋwam imɔ.

ISAIAH 20:5

Ndien ndik ye but eyenam mmɔ ebaŋa Ethiopia iberedem mmɔ, ye Egypt ubɔŋ mmɔ.

JEREMIAH 2:18

Afo asaŋa nso ndien, ke usuŋ Egypt ɔkɔŋwɔŋ mmɔŋ Shihor? Onyuŋ asaŋa nso ke usuŋ Assyria, ɔkɔŋwɔŋ mmɔŋ Akpa?

JEREMIAH 2:23

Afo edinam didie ɔdɔhɔ, ete “Ndeheke, mbineke Baalim?” Se usuŋ fo ke itihere: fiɔk se afo anamde: (afo) ɔsɔp-ukot dro-medary eke ɔyɔrɔde ke usuŋ esie;

JEREMIAH 2:33

Afo anam didie otim anam usuŋ fo man ebine ima? Mmɔdo afo emekpep mme idiɔk iban usuŋ fo ŋko.

JEREMIAH 22:20

Dɔk ke Lebanon, nyuŋ fiori; nyuŋ menere uyo fo ke Bashan, nyuŋ tie ke Abarim fiori: koro kpukpru mmɔ eke emade fi esuanade.

JEREMIAH 22:22

Ofum eyebɔk kpukpru mmɔ eke ebɔkde fi, mmɔ eke emade fi eyenyuŋ eka ke otu mbon ntaŋ-mfep: koro but ye esuene eyenam fi ke ini oro ebaŋa kpukpru mme idiɔk ido fo.

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

JEREMIAH 37:7

Ntem ke Jehovah Abasi Israel ɔdɔhɔ, ete, Mbufo edɔhɔ ntem ye edidem Judah emi ɔdɔŋde mbufo utom ke ɔtɔ mi ndibup mi ŋkpɔ, ete, Sese, mbon-ekɔŋ Pharaoh emi eketode edi ndiŋwam mbufo, eyenyɔŋ ke Egypt isɔŋ mmɔ.

JEREMIAH 46:12

Mme idut emekop esuene fo, mfiori fo omonyuŋ ɔyɔhɔ ke isɔŋ: koro owo uko atuakde owo uko ke idem, mbiba eduɔ ɔtɔ kiet.

ŊWED ESEME 4:17

Ke ini nnyin isuk idedu, enyin okim nnyin, ke nnyin isede mmɔ eke ekpeŋwamde nnyin, ikpikpu; ŋnyin ikekpeme ke itie ukpeme, ise idut eke mikemeke ndinyaŋa nnyin.

ŊWED ESEME 5:6

Nnyin ikɔkɔŋɔ mfaŋ inɔ Egypt ye Assyria, man ita uyo iyuhɔ.

EZEKIEL 16:28

Afo okonyuŋ anam use ye nditɔ Assyria: koro midige nte eyuhɔde fi; ŋkɔm afo anam use ye mmɔ; unyuŋ uyuhɔke ŋko.

EZEKIEL 29:7

Ke adaŋemi mmɔ emumde fi ke ubɔk, afo ɔbuŋɔ onyuŋ asiak mmɔ ofuri afara: ndien ke ini mmɔ eberede idem ye afo, afo ɔbuŋɔ onyuŋ ayak ofuri isin mmɔ ada.

HOSEA 10:6

Mmɔ eyenyuŋ eda enye eka Assyria, esɔk edidem Jareb ke enɔ: Ephraim eyeda esuene, but eyenyuŋ anam Israel abaŋa item esiemɔ.

HOSEA 12:1

EPHRAIM adia ofum, onyuŋ ebine ofum ikɔrabak: enye awak nsu ye ŋkanubɔk ofuri usen; mmɔ enyuŋ ediomi ediomi ye Assyria; owo enyuŋ eda aran esɔk ke Egypt.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.