JEREMIAH 2:31 - Edisana ñwed Abasi Ibom

³¹ O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 2:31 ပူးပေါင်းရင်းမြစ်များ

1 NDIDEM 11:22

Ndien Pharaoh obup enye, ete, Nso ŋkpɔ anana fi ke ubɔk mi? Ndien, sese, afo ke oyom unyɔŋ ke edem mbufo! Ndien enye ete, Baba ŋkpɔ kiet: edi kutre ndiyak mi.

2 CHRONICLES 31:10

Ndien Azariah ɔbɔŋ oku, eyen ufɔk Zadok, ɔbɔrɔ enye, ete, Toto nte mmɔ eketɔŋɔ ndida enɔ nduk ke ufɔk Jehovah, nnyin idadia iyuhɔ, inyuŋ isuhɔ ediwak: koro Jehovah ɔdiɔŋde ikɔt esie; ndien se isuhɔde edi otu emi.

ŊWED JOB 21:14

Ndien mmɔ edɔhɔ Abasi, ete, Nyɔŋ kpɔŋ nnyin: nnyin inyuŋ imaŋa ifiɔk usuŋ fo.

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 12:4

Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

MME ŊKE 30:9

Mbak ndiyuhɔ, ndien ŋkaŋ fi, ndien ndɔhɔ nte, Anie edi Jeho-vah? Mbak ndinyuŋ mbuene, ndien nyip inɔ, nnyuŋ nsuene enyiŋ Abasi mi.

ISAIAH 45:19

Ŋkɔdɔhɔke ke ndibe ebiet, ke ŋkim-ŋkim ebiet isɔŋ: ndɔhɔke ubon Jacob, nte, Mbufo eyom mi ikpikpu: ami Jehovah ndɔhɔ akpanikɔ, ntiŋ se inende.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

JEREMIAH 2:25

Kuyak ukot fo ana iferi, kuyak itɔŋ asat fi: ndien afo ɔdɔhɔ, ete: mbut: Ih ih: koro mmama isen owo, ndien nyesuk ntiene mmɔ.

JEREMIAH 5:5

Yak mbine ikpɔ owo, nnyuŋ ndɔhɔ ye mmɔ; koro mmɔ efiɔkde usuŋ Jehovah, ikpe Abasi mmɔ. Edi mmɔ emebuŋ ɔkpɔnɔ ubɔk kiet, ekibi ubɔp-ŋkpɔ.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

EZEKIEL 14:5

man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.

HOSEA 13:6

Adaŋa nte ebɔkde mmɔ, mmɔ eyuhɔ; ndien emenere esit mmɔ ke enyɔŋ; oro esin mmɔ efre mi.

AMOS 1:1

IKƆ Amos emi okodude ke otu mme ekpemerɔŋ Tekoa, emi enye okokutde abaŋa Israel, ke eyo Uzziah edidem Judah, ye ke eyo Jeroboam eyen Joash, edidem Israel, ebem unyek-isɔŋ isua iba.

MICAH 6:9

Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

1 ŊWED CORINTH 4:8

Ke emi mbufo emɔyuhɔ; emakabare mbon inyene ke emi; emada ubɔŋ ke ini nnyin miduhe aba ye mbufo; mbufo ekpekam eda ubɔŋ ke akpanikɔ, man nnyin ŋko ikpetiene mbufo ida ubɔŋ.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 32:15

Ndien Jeshurun akabare esehe, onyuŋ etiga; afo emesehe, omokpon, ɔmɔyɔhɔ; ndien enye ɔkpɔŋ Abasi emi akanamde enye, onyuŋ esin Akwa Itiat eriyaŋa esie ke ndek.

DEUTERONOMY 32:18

Afo utihe Akwa Itiat emi okobonde fi, onyuŋ efre Abasi emi okobotde fi.