JEREMIAH 2:28 - Edisana ñwed Abasi Ibom

²⁸ Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

JEREMIAH 2:28 ပူးပေါင်းရင်းမြစ်များ

2 NDIDEM 3:13

Ndien Elisha ɔdɔhɔ edidem Israel, ete, Nsaŋa nso ye afo? Tiene mme prophet usɔ, ye mme prophet uka. Ndien edidem Israel ɔdɔhɔ enye, ete, Ih ih: koro Jehovah ama okot ndidem ita emi edi, ete ida mmɔ isin ke ubɔk Moab.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 46:2

Mmɔ enuhɔ, esɔrɔ ɔtɔ kiet; ikemeke ndida mbiomo mmɔ mbɔhɔ: ndien idem mmɔ eka nte mbuot ekɔŋ.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

ISAIAH 57:13

Ke ini afo esemede, yak kpukpru ntaŋ-mbon ŋkpɔ fo enyaŋa fi; ndien ofum eyekpɔri kpukpru mmɔ efep; ibifik eyeda mmɔ efep. Edi owo eke ɔbuɔtde idem esie ye ami eyedia isɔŋ, onyuŋ ada edisana obot mi enyene;

JEREMIAH 1:16

Ndien nyetiŋ ikpe mi ye mmɔ, mbaŋa ofuri idiɔk ido mmɔ: koro mmɔ ekpɔŋde mi, enyuŋ efɔpde incense enɔ abasi efen, enyuŋ etuakde ibuot enɔ se ubɔk mmɔ ekenamde.

JEREMIAH 11:12

Ndien mme obio Judah ye mme andiduŋ Jerusalem eyeka ekeseme enɔ mme abasi oro mmɔ ekefɔpde ŋkpɔ enɔ mmɔ: edi mmɔ idikemeke ndinyaŋa mmɔ ke ini ukut mmɔ.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

JEREMIAH 37:19

Ndien mme prophet mbufo oro eketiŋde prophecy enɔ mbufo, ete, “Edidem Babylon ididige ekɔŋ ye mbufo ke isɔŋ emi”, edu mmɔŋ?

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

HABAKKUK 2:18

Edisɔi mbiet odoro owo nso udori koro andibot enye ɔsiɔide enye? Editara mbiet ye andikpep nsu edoro owo nso udori, koro andibot ŋkpɔ-usɔ esie ɔbuɔtde idem ke esit, onyuŋ anamde ŋkpɔ eke edide ikpikpu ye imum?

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

DEUTERONOMY 32:37

Ndien enye eyedɔhɔ ete, Mme abasi mmɔ edu mmɔŋ, kpa itiat emi mmɔ ekebuɔtde idem mmɔ ke esit:

JUDGES 10:14

Mbufo eka ekeseme enɔ mme abasi emi mbufo emekde: yak mmɔ enyaŋa mbufo ke ini nnanenyin mbufo.