JEREMIAH 2:26 - Edisana ñwed Abasi Ibom

²⁶ Kpa nte but anamde inɔ, koro emumde enye, kpa ntre ke but edinam ufɔk Israel, mmɔ, ye ndidem mmɔ, ye mbɔŋ mmɔ, ye mme oku mmɔ, ye mme prophet mmɔ.

JEREMIAH 2:26 ပူးပေါင်းရင်းမြစ်များ

EZRA 9:7

Nnyin imakama akamba isop toto ke eyo mme ete nnyin, tutu osim mfin emi ndien mme ukwaŋ-ŋkpɔ nnyin esin ekeda nnyin, ye ndidem nnyin, ye mme oku nnyin esin ndidem mme idut ke ubɔk, enɔ ofut, ye ntaŋ-mfep, ye mbume, ye iso but, kpa nte edide mfin emi.

ŊWED MME PSALM 97:7

But eyenam kpukpru mmɔ eke enamde ŋkpɔ enɔ edisɔi mbiet, enyuŋ eburede mbure ke mbiet ŋkpɔ: mbufo kpukpru abasi etuak ibuot enɔ enye.

ISAIAH 1:29

Koro mmɔ eyeda but ebaŋa ofriyo emi enemde mbufo esit; mbufo eyenyuŋ ekop esuene ebaŋa iŋ-waŋ esa emi mbufo emekde.

ISAIAH 44:11

Sese, but eyenam kpukpru mme nsaŋa esie, mbon-usɔ ke idem mmɔ enyuŋ eto ke owo: kpukpru mmɔ eyesop idem, etuak eda, edikhe, but eyenam mmɔ akpaimɔ.

ISAIAH 44:9

Kpukpru mmɔ eke esɔide mbiet edi ikpikpu; ŋkpɔ inemesit mmɔ idinyuŋ idoroke udori; ndien ntiense mmɔ kpa idem mmɔ idikwe, idinyuŋ ifiɔkke, man but anam mmɔ.

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

JEREMIAH 22:22

Ofum eyebɔk kpukpru mmɔ eke ebɔkde fi, mmɔ eke emade fi eyenyuŋ eka ke otu mbon ntaŋ-mfep: koro but ye esuene eyenam fi ke ini oro ebaŋa kpukpru mme idiɔk ido fo.

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 4:9

Jehovah onyuŋ, ɔdɔhɔ, ete, Ama ekem ke usen oro, esit eyeduɔ edidem, esit eyenyuŋ ɔduɔ mbɔŋ; idem eyenyuŋ akpa mme oku, mme prophet eyenyuŋ eyik.

JEREMIAH 48:27

Nte Israel ikedige se afo asakde? Nte ekekut enye ke otu mbon inɔ? Koro adaŋa ini nte afo ɔkɔdɔhɔde abaŋa enye, afo oyibi ibuot.

EZEKIEL 16:54

man afo obiom esuene fo, onyuŋ okut but ke kpukpru se afo akanamde, koro afo ɔkɔdɔŋde mmɔ esit.

EZEKIEL 22:26

Mme oku esie emebiat mbet mi, enyuŋ esabare ndisana ŋkpɔ mi: mmɔ idianakede ŋkpɔ Abasi ye ŋkpɔ owo inim isio; inyuŋ idiɔŋɔke se idehede ye se isanade; mmɔ enyuŋ ebɔp enyin mmɔ ebaŋa mme sabbath mi; ami nnyuŋ ntie nte ŋkpɔ ndek ke otu mmɔ.

ZECHARIAH 5:4

nte enye asaŋade. Jehovah mme udim ɔdɔhɔ ete, Nyeda enye ŋwɔrɔ, ndien enye eyeduk ke ufɔk inɔ, ye ke ufɔk owo eke otomode nsu-nsu ke enyiŋ mi: ndien enye eyeduŋ ke ufɔt ufɔk esie, onyuŋ osobo ufɔk ye eto esie, ye itiat esie.

ŊWED MBON ROME 6:21

Nso mfri ke mbufo ekokut adaŋoro ke ŋkpɔ eke enamde mbufo but idahemi? koro utit mme ŋkpɔ oro edide mkpa.