JEREMIAH 2:25 - Edisana ñwed Abasi Ibom

²⁵ Kuyak ukot fo ana iferi, kuyak itɔŋ asat fi: ndien afo ɔdɔhɔ, ete: mbut: Ih ih: koro mmama isen owo, ndien nyesuk ntiene mmɔ.

JEREMIAH 2:25 ပူးပေါင်းရင်းမြစ်များ

2 CHRONICLES 28:22

Ekem ke ini emi efikde enye, enye ɔdɔdiɔŋ edue Jehovah, enye edidem Ahaz.

2 CHRONICLES 28:23

Enye onyuŋ awa uwa ɔnɔ mme abasi Damascus emi esuande enye: onyuŋ ɔdɔhɔ ete, Koro mme abasi ndidem Syria eŋwamde mmɔ, nyewa uwa nnɔ mmɔ, man eŋwam mi. Edi mmɔ esin enye ye ofuri Israel eduɔŋɔ.

ISAIAH 2:6

Koro afo ɔmɔduɔk ikɔt fo, ufɔk Jacob, koro se itode ke edem usiaha-utin ɔyɔhɔde ke otu mmɔ, mmɔ enyuŋ ebre idiɔŋ, nte mme Philistine; enyuŋ esaŋa ŋkpɔ nte nditɔ mme idut.

ISAIAH 57:10

Afo enyene utom ke uwak isaŋ fo; udɔhɔke, ete, ɔwɔrɔ ikpikpu. Omokut uwem ubɔk fo; oro iyakke idem efere fi.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 2:31

O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?

JEREMIAH 22:20

Dɔk ke Lebanon, nyuŋ fiori; nyuŋ menere uyo fo ke Bashan, nyuŋ tie ke Abarim fiori: koro kpukpru mmɔ eke emade fi esuanade.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

ŊWED ESEME 4:4

Nsat-itɔŋ anam edeme eyen nsek adiana enye ke nsiŋ: nditɔ-ɔwɔŋ eyom uyo; owo eke obuŋde ɔnɔ mmɔ iduhe.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

HOSEA 2:3

nnyuŋ nnim enye nte usen emi enye akamanade, nnyuŋ nnim enye ke wilderness, nnyuŋ nsin enye edi edisat isɔŋ, nnyuŋ ŋwot enye ke nsat-itɔŋ.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

LUKE 15:22

Edi Ete ɔdɔhɔ ikɔt esie ete, Ewara eda ata eti ɔfɔŋidem oro edisine enye; enyuŋ esine enye mkpanuen ke ubɔk ye ikpa-ukot ke ukot:

LUKE 16:24

Enye onyuŋ ofiori ete, Ete Abraham, tua mi mbɔm, nyuŋ dɔŋ Lazarus ekedebi iso nnuen ubɔk esie ke mmɔŋ, edibit edeme mi; koro ndude ke ndutuhɔ ke ikaŋ emi.

ŊWED MBON ROME 8:24

Koro ema enyaŋa nnyin ke idori-enyin emi: edi idori-enyin eke owo okutde ke enyin idige idori-enyin; koro anie odori enyin abaŋa se enye okutde?

DEUTERONOMY 28:48

ndien afo eyenam ŋkpɔ mme asua fo eke Jehovah edidɔŋde etiene fi, ke biɔŋ, ye ke nsat-itɔŋ ye ke iferi, ye ke unana kpukpru ŋkpɔ: ndien enye eyekɔŋɔ fi ŋkpɔ ukwak ke itɔŋ, tutu enye osobo fi ama.

DEUTERONOMY 32:16

Mmɔ eda isen abasi esin enye ofibe ufup, eyat enye esit ke mbubiam ŋkpɔ mmɔ.