JEREMIAH 2:2 - Edisana ñwed Abasi Ibom

² ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 2:2 ပူးပေါင်းရင်းမြစ်များ

ŊWED MME PSALM 129:1

OH yak Israel ɔdɔhɔ ete, “Mmɔ ewak ndituk mi toto ke uyen mi:

EXODUS 14:31

Ndien Israel enyuŋ ekut ɔkpɔsɔŋ ubɔk oro Jehovah adade anam nditɔ Egypt: Kpukpru owo enyuŋ ebak Jehovah, enyuŋ enim uyo Jehovah ke akpanikɔ, ye eke owo esie Moses.

EXODUS 16:8

Ndien Moses ɔdɔhɔ ete, (Eyedi ntem) ke ini Jehovah ɔnɔde mbufo unam ke mbubreyo, ete eta, ye uyo ke usenubɔk, ete eyuhɔ: koro Jehovah omokop uyo emi mbufo esukde enye: ndien nnyin idi mme anie? Idige nnyin ke mbufo esuk uyo, edi edi Jehovah.

MME ŊKE 1:20

Eti ibuot ofiori ke esien; emenere uyo esie ke aŋwa:

IKWƆ SOLOMON 3:11

Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.

IKWƆ SOLOMON 3:6

Anie owo edi emi otode ke wilderness ɔdɔk, ebiet adaha nsuŋikaŋ, ososio ufuɔŋ myrrh ye frankincense, ke kpukpru ufuɔ-ŋkpɔ mbon urua?

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

JEREMIAH 19:2

ndien wɔrɔ ka ke itihere eyen Hinnom, ke ɔtɔ inua-otop itie ubot-eso, ndien mme ikɔ eke ndidɔhɔde fi tiŋ do;

JEREMIAH 2:1

NDIEN uyo Jehovah osim mi, ete, Ka kokot ke utɔŋ Jerusalem, ete,

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

JEREMIAH 3:4

Nte afo udutɔŋɔke ke emi ukot mi, ete, Ete mi, afo edi ufan uyen mi?

JEREMIAH 7:2

nyuŋ kwɔrɔ ikɔ emi do, nyuŋ dɔhɔ, ete, Ekop uyo Jehovah, mbufo ofuri ufɔk Judah, emi ebede inua-otop emi eduk edituak ibuot enɔ Jehovah.

EZEKIEL 16:22

Ndien ke kpukpru mbubiam ŋkpɔ fo, ye use fo, afo utihi mme usen uyen fo, ke ini afo ekedide iferi ye ikpikpu, onyuŋ amiaŋade ke iyip fo.

EZEKIEL 16:60

Ndien ami nyeti ediomi mi ye afo ke mme usen uyen fo, nyenyuŋ nsɔŋɔ ŋwuk nsinsi ediomi ye afo.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

EZEKIEL 23:19

Ndien enye ɔdɔdiɔŋ anam ediwak use, onyuŋ eti usen uyen esie, emi enye akanamde use ke isɔŋ Egypt.

EZEKIEL 23:3

ndien mmɔ ekenam use ke Egypt; ekenam use ke ini uyen mmɔ: do ke ekefik mmɔ eba, do ŋko ke ekenuak mmɔ eba uyen.

EZEKIEL 23:8

Enye inyuŋ ikpɔŋke use esie oro otode ke Egypt: koro mmɔ efiɔkde enye ke uyen esie, mmɔ oro enyuŋ enuak enye eba uyen, enyuŋ eŋwaŋa enye use mmɔ ke idem.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.

HOSEA 2:15

Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

HOSEA 2:17

Ndien nyesio enye enyiŋ Baalim ke inua mfep, idinyuŋ idaha aba enyiŋ mmɔ iti mmɔ.

HOSEA 2:7

Ndien enye eyebine mmɔ eke emade enye, edi idisimke mmɔ; eyenyuŋ oyom mmɔ, edi idikwe. Ndien enye eyedɔhɔ, ete, Nyefiak ntiene akpa ebe mi: koro ɔkɔfɔnde ye ami ini oro akan emi.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

JONAH 1:2

Daha ke enyɔŋ ka ke Nineveh akwa obio oro, nyuŋ kwɔrɔ baŋa enye, koro idiɔk ido mmɔ ɔmɔdɔk edi ke iso mi.

MATTHEW 11:15

Owo eke enyenede utɔŋ ndikop, yak okop.

LUKE 12:13

Edi owo kiet ke otu oro ɔdɔhɔ Enye ete, Andikpep, dɔhɔ eyen-eka mi abahare akpa ete nnyin ye ami.

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

DEUTERONOMY 33:3

Ŋkɔm enye amama mme idut; edisana ikɔt esie edu fi ke ubɔk: mmɔ enyuŋ esuhɔre etie fi ke ukot; mmɔ eyebɔ ikɔ fo.

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

ERIYARARE 2:4

Edi mmenyene se ndade mbiom fi, emi ɔkɔkpɔŋde akpa ima fo.