JEREMIAH 2:18 - Edisana ñwed Abasi Ibom

¹⁸ Afo asaŋa nso ndien, ke usuŋ Egypt ɔkɔŋwɔŋ mmɔŋ Shihor? Onyuŋ asaŋa nso ke usuŋ Assyria, ɔkɔŋwɔŋ mmɔŋ Akpa?

JEREMIAH 2:18 ပူးပေါင်းရင်းမြစ်များ

2 CHRONICLES 28:16

Ke ini oro Ahaz edidem ɔdɔŋ utom ke ɔtɔ ndidem Assyria, ete eŋwam imɔ.

ISAIAH 23:3

Ndien mkpasip Shihor odu akamba mmɔŋ, ukpeŋe akpa mmɔŋ oduk enye ke ubɔk; ndien enye edi ebiet urua mme idut.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 7:20

Ke usen oro Ɔbɔŋ eyekpe akaraŋ kiet ke edem akpa oko, kpa Assyria, ada okporo ibuot, ye idet ukot: enye eyenyuŋ akwat ntaŋebek efep.

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

ŊWED ESEME 4:17

Ke ini nnyin isuk idedu, enyin okim nnyin, ke nnyin isede mmɔ eke ekpeŋwamde nnyin, ikpikpu; ŋnyin ikekpeme ke itie ukpeme, ise idut eke mikemeke ndinyaŋa nnyin.

ŊWED ESEME 5:6

Nnyin ikɔkɔŋɔ mfaŋ inɔ Egypt ye Assyria, man ita uyo iyuhɔ.

EZEKIEL 16:28

Afo okonyuŋ anam use ye nditɔ Assyria: koro midige nte eyuhɔde fi; ŋkɔm afo anam use ye mmɔ; unyuŋ uyuhɔke ŋko.

EZEKIEL 17:15

Ndien enye ɔsɔŋ ibuot ye enye, onyuŋ ɔdɔŋ mme isuŋ esie utom ke Egypt, ete enɔ imɔ horse ye ediwak owo. Nte enye eyekut unen? Nte owo eke anamde ŋkpɔ emi eyebɔhɔ? Nte owo eyebiat ediomi, ndien ɔbɔhɔ?

EZEKIEL 23:30

Nyenam fi ŋkpɔ emi, koro afo ebinede mme idut anam use, koro afo asabarede idem ke ibɔk mmɔ.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

JOSHUA 13:3

ye ofuri Geshuri, ɔtɔŋɔde ke Shihor emi anade ke iso Egypt, tutu osim adaŋa Ekron ese edem edere, emi ebatde ke eke mme Canaanite: mbɔŋ mme Philistine ition; mme Gazite, ye mme Ashdodite, ye mme Ashkelonite, ye mme Gittite, ye mme Ekronite;