JEREMIAH 2:14 - Edisana ñwed Abasi Ibom

¹⁴ Nte Israel edi ofin? Nte enye edi amana ke ufɔk?

JEREMIAH 2:14 ပူးပေါင်းရင်းမြစ်များ

GENESIS 15:3

Ndien Abram ɔdɔhɔ, ete, Sese, unɔŋɔ mi eyen: ndien sese, edi eyen ufɔk mi edidia akpa mi.

EXODUS 12:49

Yak enim ido kiet, ekpedi amana do, okponyuŋ edi esen owo eke oduŋde ke otu mbufo.

EXODUS 4:22

Ndien afo edidɔhɔ Pharaoh, ete, Ntem ke Jehovah ɔdɔhɔ, ete, Israel edi eyen mi, ye akpan mi:

ECCLESIASTES 2:7

Ndep ifin iren ye ifin iban, nnyuŋ nnyene nditɔ eke emanade ke ufɔk mi. Nnyuŋ nnyene ediwak enaŋ ye ŋkpri ufene ŋkan kpukpru mmɔ emi ebemde mi iso edu ke Jerusalem.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 5:19

Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.