JEREMIAH 2:11 - Edisana ñwed Abasi Ibom

¹¹ Nte idut ama ɔkpuhɔ mme abasi (mmɔ) eke midige Abasi? Edi ikɔt mi emeda se midoroke udori ekpuhɔ ubɔŋ mmɔ.

JEREMIAH 2:11 ပူးပေါင်းရင်းမြစ်များ

1 NDIDEM 11:33

koro mmɔ emekpɔŋ mi, emenyuŋ etuak ibuot enɔ Astoreth idem Zidon, ye Chemosh idem Moab, ye Milcom idem nditɔ Ammon; inyuŋ isaŋake ke usuŋ mi, inyuŋ inamke se inende ke enyin mi, inyuŋ inimke mme ewuhɔ mi, ye mbet mi, nte David ete esie.

2 NDIDEM 1:3

Ndien angel Jehovah ɔdɔhɔ Elijah Tishbite, ete, Daha ke enyɔŋ, dɔk kosobo ye mme isuŋ-utom edidem Samaria, nyuŋ bup mmɔ, ete, Ndi koro Abasi miduhe ke Israel, esin mbufo eka ndibup Baal-zebub abasi Ekron?

2 CHRONICLES 13:9

Nte mbufo ikebinke mme oku Jehovah, nditɔ Aaron, ye mme Levite, ifep, inyuŋ inim oku ke idem mbufo, nte mbio mme idut enamde? Owo ekededi eke adade enaŋ eyen ufene, ye okukim itiaba, edi ndiyɔhɔ ubɔk esie, kpasuk enye eyedi oku mme mmɔ eke midige Abasi.

ŊWED MME PSALM 106:20

Ntem ke mmɔ eda ubɔŋ mmɔ ekpuhɔ ke se ibietde enaŋ eke atade mbiet.

ŊWED MME PSALM 115:4

Mme abasi mmɔ edi silver ye gold, kpa ŋkpɔ eke ubɔk owo anamde.

ŊWED MME PSALM 3:3

Ndien afo, Jehovah, edi otuekɔŋ eke akande mi okuk; ubɔŋ mi, ye andimenere ibuot mi ke enyɔŋ.

ISAIAH 37:19

ema enyuŋ esin mme abasi mmɔ ke ikaŋ: koro mmɔ mikedige Abasi, edi se ubɔk owo akanamde, kpa eto ye itiat: ndien esobo mmɔ.

JEREMIAH 16:20

Nte owo edinam abasi ɔnɔ idem esie, ndien mmɔ idige abasi?

JEREMIAH 18:13

Mmɔdo ntem ke Jehovah ɔdɔhɔ ete, Mbufo ebup ndien ke otu mme idut: Anie okokop oruk ŋkpɔ ntem? Eyen aŋwan Israel amanam ata ŋkpɔ ndik.

JEREMIAH 2:5

ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

EZEKIEL 14:5

man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.

EZEKIEL 5:7

Mmɔdo ntem ke Ɔbɔŋ Jehovah ɔdɔhɔ, ete, Koro mbufo edamade ekan mme idut emi ekande mbufo ekuk; minyuŋ isaŋake ke mme ewuhɔ mi, minyuŋ inamke mme item mi, mbufo inyuŋ inamke nte asaŋade ke mme item mme idut emi ekande mbufo ekuk:

MICAH 4:5

Koro kpukpru mme idut eyesaŋa ke enyiŋ abasi mmɔ; nnyiŋ iyenyuŋ isaŋa ke enyiŋ Jehovah Abasi nnyin ke nsinsi-nsinsi.

ŊWED MBON ROME 1:23

edi mmɔ ekabare ndisime; mmɔ ekpuhɔre ubɔŋ Abasi emi odude uwem ke nsinsi, esin ke mbiet idem owo eke enyenede ndikpa, ye ke mbiet inuen, ye eke unam ukot inaŋ, ye se inyɔnide.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

ŊWED MBON GALATIA 4:8

Edi adaŋoro, sia mbufo mikɔfiɔkke Abasi, mbufo ekeduk ufin enɔ se midige Abasi ke uduot mmɔ;

DEUTERONOMY 32:16

Mmɔ eda isen abasi esin enye ofibe ufup, eyat enye esit ke mbubiam ŋkpɔ mmɔ.

DEUTERONOMY 32:21

Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

1 PETER 1:18

sia efiɔkde ete, ikadaha mbiara ŋkpɔ, kpa silver ye gold, ifak mbufo isio ke ndisime edu uwem oro ekotode mme ete ebe osim mbufo;

1 SAMUEL 4:21

Edi enye ibɔrɔke bɔrɔ, inyuŋ ikereke kere. Ndien enye osio eyenɔwɔŋ oro enyiŋ Ichabod (ubɔŋ iduhe aba), ete, Ubɔŋ amadaha ke Israel: koro ema ekeda ekebe Abasi: kabaŋa ete ebe esie ye ebe esie ŋko.