JEREMIAH 19:9 - Edisana ñwed Abasi Ibom

⁹ Ndien nyeda obukidem nditɔ-iren mmɔ, ye obukidem nditɔ-iban mmɔ nnɔ mmɔ eta, kpukpru owo eyenyuŋ eta obukidem mbɔhiduŋ mmɔ ke ukuk obio, ye ke mbaba emi mme asua mmɔ, ye mmɔ eke eyomde uwem mmɔ edisinde mmɔ.

JEREMIAH 19:9 ပူးပေါင်းရင်းမြစ်များ

2 NDIDEM 25:3

Ndien ke ɔyɔhɔ usen usukkiet ke ɔyɔhɔ ɔfiɔŋ (inaŋ), akaŋ ɔsɔŋ ubɔk ke obio, udia eke mbio-obio ediade inyuŋ iduhe.

ISAIAH 9:20

Ndien enye awai ŋkpɔ eke edude ke ubɔk nnasia, edi osuk etie biɔŋ; onyuŋ adia se idude ke ubɔk ufien, edi iyuhɔke: kpukpru mmɔ eta idem ubɔk mmɔ.

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

JEREMIAH 38:9

Ɔbɔŋ mi edidem, mbon oro ediɔk ndinam kpukpru se mmɔ enamde ye Jeremiah prophet, emi mmɔ eduɔkde ke obube: ndien enye eyekpa biɔŋ ke itie esie: koro baba udia miduhe aba ke obio.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

ŊWED ESEME 4:10

Ubɔk iban emi enyenede esit mbɔm emetem nditɔ mmɔ: mmɔ ekabare edi udia mmɔ ke ŋwure adiaha ikɔt mi.

EZEKIEL 5:10

Mmɔdo mme ete eyeta nditɔ ke ufɔt fo, nditɔ eyenyuŋ eta mme ete mmɔ; nyenyuŋ ŋkpe ikpe ke otu mbufo, nnyuŋ ŋkpɔri ofuri nsuhɔ fo mfep nsin ke kpukpru mme ofum.

LEVITICUS 26:29

Ndien mbufo eyeta obukidem nditɔ-iren mbufo, enyuŋ eta obukidem nditɔ-iban mbufo.