JEREMIAH 19:8 - Edisana ñwed Abasi Ibom

⁸ Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 19:8 ပူးပေါင်းရင်းမြစ်များ

1 NDIDEM 9:8

ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 49:13

Koro Jehovah ɔdɔhɔde, ete, Mmotomo idem mi, nte ke Bozrah eyekabare edi ŋwure, ye esuene, ye nsobo, ye isuŋi: kpukpru mme obio esie eyenyuŋ edi nsinsi nsobo.

JEREMIAH 50:13

Ifuresit Jehovah idiyakke owo oduŋ ke esit, edi ofuri esie eyedi ndon-ndon: kpukpru owo eke ebede Babylon eyekpa idem, enyuŋ esi ebaŋa kpukpru ufen esie.

EZEKIEL 27:36

Mbon-urua ke otu mme idut esi fi; afo amabiara fap, udunyuŋ uduhe ke nsinsi.

LEVITICUS 26:32

Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

ZEPHANIAH 2:15

Emi edi obio mbre emi etiede ke ndue-idem, emi ɔdɔhɔde ke esit esie, ete, Ami ndu, ndien efen iduhe ke mibɔhɔke ami: enye anam didie akabare edi ikpikpu, ebiet eke mme unam esuhɔrede ena! kpukpru mmɔ eke esaŋade ebe enye eyesi, enyuŋ efuŋ ubɔk mmɔ.

DEUTERONOMY 28:37

Ndien afo eyedi ŋkpɔ mkpa-idem, ye ikwɔ, ye ufiet ke otu kpukpru mme idut eke Jehovah adade fi aka do.

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;