JEREMIAH 19:7 - Edisana ñwed Abasi Ibom

⁷ Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 19:7 ပူးပေါင်းရင်းမြစ်များ

2 NDIDEM 21:14

Nyenyuŋ mmen ubak udeme mi emi ɔsuhɔde, nduɔk, nnyuŋ nda mmɔ nsin mme asua mmɔ ke ubɔk: ndien mmɔ eyedi se kpukpru mme asua mmɔ ebumede edia;

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

ISAIAH 8:10

Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

JEREMIAH 15:2

Ndien ama ekem, ke mmɔ edidɔhɔde fi, ete, Nnyin idiwɔŋɔ ika mmɔŋ? Dɔhɔ mmɔ ndien, ete, Ntem ke Jehovah ɔdɔhɔ, ete, Mmɔ emi enimde mmɔ enɔ mkpa, ewɔŋɔ eka mkpa, ye mmɔ emi enimde mmɔ enɔ ofut, ewɔŋɔ eka ofut, ye mmɔ eke akaŋ eka akaŋ, ye mmɔ eke ntaŋ-mfep, yak etaŋ mmɔ efep.

JEREMIAH 15:9

Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 22:19

Eyebuk enye nte ebukde ass, eke edudide enyuŋ eduɔkde ko ekpɔŋ enyin-usuŋ Jerusalem.

JEREMIAH 22:25

nyenyuŋ nda fi nsin ke ubɔk mmɔ emi eyomde uwem fo, ye ke ubɔk mmɔ emi afo edikhede iso mmɔ, kpa ke ubɔk Nebuchadrezzar edidem Babylon, ye ke ubɔk mme Chaldean.

JEREMIAH 32:28

Mmɔdo ntem ke Jehovah ɔdɔhɔ, ete, Sese, ami mmɔŋ nda obio emi nsin mme Chaldean ke ubɔk, ye ke ubɔk Nebuchadrezzar edidem Babylon; ndien enye eyeda enye:

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

JEREMIAH 46:26

Nyenyuŋ nda mmɔ nsin ke ubɔk mmɔ eke eyomde uwem mmɔ, ye ke ubɔk Nebuchadrezzar edidem Babylon, ye ke ubɔk ikɔt esie; ndien ke ini oro ebede owo eyeduŋ ke esit kpa nte ke eset: emi edi uyo Jehovah.

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

JEREMIAH 8:8

Mbufo enam didie edɔhɔ, ete, Nnyin imɔfiɔk ŋkpɔ, ŋwed mbet Jehovah onyuŋ odu ye nnyin? Sese, ŋkɔm nsunsu ntaŋwed mme ewet-ŋwed anam enye edi abiaŋa.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

ŊWED ESEME 3:37

Anie owo ɔdɔhɔ ndien odu, ke Ɔbɔŋ miwukke?

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

ŊWED MBON ROME 3:31

Nte nnyin ida mbuɔtidem emi inam ibet ɔwɔrɔ ikpikpu naŋa? Baba, nnyin inam ibet ɔsɔŋɔ ada.

ŊWED MBON ROME 4:14

Koro edieke edide mbon ibet eda ererimbot enyene, mbuɔtidem ama akabare edi ikpikpu, uŋwɔŋɔ ama onyuŋ akabare okpu:

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.