JEREMIAH 19:2 - Edisana ñwed Abasi Ibom

² ndien wɔrɔ ka ke itihere eyen Hinnom, ke ɔtɔ inua-otop itie ubot-eso, ndien mme ikɔ eke ndidɔhɔde fi tiŋ do;

JEREMIAH 19:2 ပူးပေါင်းရင်းမြစ်များ

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

2 CHRONICLES 28:3

Enye onyuŋ ɔfɔp uwa ke itihere eyen Hinnom, onyuŋ ɔfɔp nditɔ esie ke ikaŋ, ekem ye mbubiam ido mme idut oro Jehovah ekebinde ke iso nditɔ Israel efep.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

NEHEMIAH 3:29

Zadok eyen Immer adiana mmɔ ɔdiɔŋ ekem ye ufɔk esiemɔ. Ndien Shemaiah eyen Shecaniah andikpeme inua-otop ke edem usiaha utin ɔdiɔŋ adiana enye.

JEREMIAH 1:7

Ndien Jehovah ɔdɔhɔ mi, ete, Kudɔhɔ ete, “Ami ndi eyen-ɔwɔŋ:” koro afo eyesaŋa kpukpru utom eke ndidɔŋde fi, eyenyuŋ etiŋ kpukpru se ndiwukde fi.

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

JEREMIAH 18:2

Daha ke enyɔŋ suhɔre ke ufɔk obot-eso, ndien nyenam fi okop ikɔ mi do.

JEREMIAH 26:2

Ntem ke Jehovah ɔdɔhɔ ete, Ka kada ke okure ufɔk Jehovah, nyuŋ men kpukpru ikɔ eke ŋwukde fi, nte ɔdɔhɔ ye mmɔ, tiŋ baŋa kpukpru mme obio Judah eke edide ndituak ibuot ke ufɔk Jehovah; kusio baba ikɔ kiet ufep;

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 7:2

nyuŋ kwɔrɔ ikɔ emi do, nyuŋ dɔhɔ, ete, Ekop uyo Jehovah, mbufo ofuri ufɔk Judah, emi ebede inua-otop emi eduk edituak ibuot enɔ Jehovah.

JONAH 3:2

ka ke Nineveh akamba obio oro, nyuŋ kwɔrɔ uyo oro ami ŋkɔdɔhɔde fi baŋa enye.

MATTHEW 10:27

Se ndɔhɔde mbufo ke ekim, emen etiŋ ke uŋwana; se mbufo enyuŋ ekopde ke utɔŋ, ekwɔrɔ ke ɔkɔm ufɔk.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

UTOM MME APOSTLE 5:20

Eka ekeda ke temple, etiŋ kpukpru ikɔ Uwem emi enɔ mbio-obio.

JOSHUA 15:8

Ndien adaŋa oro asaŋa ke itihere eyen Hinnom ada ɔdɔk ke edem usuk-usuk mme Jebussite; oro edi Jerusalem: ndien adaŋa ɔdɔk ke ibuot obot emi asakde iso ese itihere Hinnom, ke edem usop-utin, emi adade ke utit itihere mme Rephaim edere-edere.