JEREMIAH 18:8 - Edisana ñwed Abasi Ibom

⁸ ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

JEREMIAH 18:8 ပူးပေါင်းရင်းမြစ်များ

2 CHRONICLES 12:6

Ndien mbɔŋ Israel ye edidem esuhɔre idem mmɔ enim; enyuŋ edɔhɔ, ete, Jehovah emenen.

ŊWED MME PSALM 106:45

onyuŋ eti ediomi esie ɔnɔ mmɔ, onyuŋ atua mmɔ mbɔm ke uwak ima esie.

ŊWED MME PSALM 135:14

Koro Jehovah eyekpe ikpe ikɔt esie, onyuŋ akabare ido esie abaŋa ikɔt esie.

ŊWED MME PSALM 90:13

Fiak di, O Jehovah, adaŋa didie! Nyuŋ tua mkpɔfiɔk baŋa ikɔt fo.

EXODUS 32:12

Ke didie ke nditɔ Egypt edidɔhɔ ete, Enye okosio mmɔ ke ibak, ete iwot mmɔ ke otu ikpɔ ibot, inyuŋ isobo mmɔ ke iso isɔŋ ifep? Kabare kpɔŋ ikaŋ-ikaŋ iyaresit fo, nyuŋ dahado ke idiɔk-ŋkpɔ emi nɔ ikɔt fo.

EXODUS 32:14

Ntem ke Jehovah adahado ke idiɔk-ŋkpɔ emi enye ekekerede ndinam ikɔt esiemɔ.

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 26:19

Nte Hezekiah edidem Judah, ye ofuri Judah ema eyom ndiwot enye? Nte enye ikabakke Jehovah, inyuŋ ikpe Jehovah ubɔk, ndien Jehovah adahado ke idiɔk-ŋkpɔ oro enye ɔkɔdɔhɔde abaŋa mmɔ? Ke ntre ke nnyin ikpanam akamba idiɔk ŋkpɔ otuk ukpɔŋ nnyin.

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

EZEKIEL 18:21

Ndien ama edi idiɔk owo, ke ini enye ɔkpɔŋde kpukpru mme idiɔk ido esie emi enye akanamde, afiak edem, onyuŋ onimde kpukpru mme ewuhɔ mi, onyuŋ anam edinen ikpe, enye iditreke ndidu uwem, idikpaha mkpa.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 33:12

Afo eyen owo, dɔhɔ ndien nditɔ oruk fo, ete, Eti ido eti owo idinyaŋake enye ke usen eke enye eduede: ama edi idiɔk ido owo, enye ididuɔhɔ ke esit ke usen eke enye akabarede ɔkpɔŋ idiɔk ido esie; ndien eti owo idikemeke ndidu uwem ke eti ido esie ke usen eke enye eduede.

EZEKIEL 33:13

Ke ini ndɔhɔde eti owo, nte, “Enye eyedu uwem”; ndien enye ɔbuɔt idem ke edinen ido esie, onyuŋ anam se ikwaŋade, iditihi edinen ido esie baba; enye eyekpa ke ukwaŋ-ŋkpɔ esie eke enye akanamde.

EZEKIEL 33:14

Ndien ŋko ke ndɔhɔde idiɔk owo, nte, “Afo udutreke ndikpa”; ndien enye akabare ɔkpɔŋ mme idiɔk ido esie, onyuŋ anam edinen ido ye eti ido;

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

JUDGES 2:18

Ndien adaŋemi Jehovah anamde mme ebierikpe edaha eda ɔnɔ mmɔ, Jehovah odu ye ebierikpe oro, onyuŋ anyaŋa mmɔ osio ke ubɔk mme asua mmɔ, ke ofuri eyo ebierikpe oro: koro mbɔm anamde Jehovah, ke ini mmɔ esemede ebaŋa mmɔ eke etukde mmɔ enyuŋ efikde mmɔ.