JEREMIAH 18:6 - Edisana ñwed Abasi Ibom

⁶ Jehovah ɔdɔhɔ, ete, O ufɔk Israel, nte ndikemeke ndinam ye mbufo kpa nte andibot eso emi anamde? Sese, nte mbat eso emi odude andibot ke ubɔk, kpa ntre ke mbufo edu mi ke ubɔk, O ufɔk Israel.

JEREMIAH 18:6 ပူးပေါင်းရင်းမြစ်များ

ISAIAH 45:9

Ɔdiɔk ɔnɔ owo eke aŋwanade ye andibot enye! Mfiɔk kiet ke otu mfiɔk mbat. Nte mbat ɔdɔhɔ andibot, ete, Afo anam nso? Nte utom fo ɔdɔhɔ, ete, Enye inyeneke ubɔk?

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 18:4

Ndien ŋkpɔ oro enye anamde ke mbat eso abiara ke ubɔk andibot; ndien enye ɔtɔŋɔ ntak anam ŋkpɔ efen, kpa nte andibot amade ndinam.

JEREMIAH 18:5

Ndien uyo Jehovah edisim mi, ete,

DANIEL 4:23

Ndien emi edidem okokutde edisana andikpeme kiet oto ke enyɔŋ ɔsuhɔre, onyuŋ ɔdɔhɔ, ete, Mbufo ekpeŋe eto emi, enyuŋ ebiat enye; edi ekpɔŋ etak oruŋ esie ke isɔŋ, kpa ke ubɔp-ŋkpɔ ukwak ye okpoho, ke edisehe mbiet iŋwaŋ, yak mbara enyɔŋ ebit enye, yak udeme esie onyuŋ odu ye mme unam ikɔt, tutu isua itiaba ebe enye:

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

ŊWED MBON ROME 11:34

Koro anie ɔfiɔk ekikere Ɔbɔŋ?