JEREMIAH 18:23 - Edisana ñwed Abasi Ibom

²³ Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

JEREMIAH 18:23 ပူးပေါင်းရင်းမြစ်များ

ŊWED MME PSALM 119:126

Ekem ke ini Jehovah akpanamde ŋkpɔ: mmɔ ebiat ido fo.

ŊWED MME PSALM 35:4

Nam mmɔ eke eyomde ukpɔŋ mi ekut but ye esuene: yak mmɔ eke eduakde idiɔk enɔ mi, efiak edem enyuŋ etimere.

ŊWED MME PSALM 56:8

Afo omobuk eriyo mi: da mmɔŋeyet mi sin ke ekpeme fo: nte mmɔ iduhe ke ŋwed fo?

ŊWED MME PSALM 59:5

Demere, disobo ye ami, nyuŋ se. Ndien afo, O Jehovah Abasi mme udim, Abasi Israel, demere, nyuŋ ka kese kpukpru mme idut: kutua baba owo mmɔ kiet emi enamde idiɔk ke abiaŋa mbɔm. [Selah.]

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

ISAIAH 2:9

Ntre ke owo ɔsuhɔre, ɔbɔŋ onyuŋ ɔduɔ: kufen mmɔ, ndien.

JEREMIAH 11:23

ndien baba owo kiet idisuhɔke inɔ mmɔ: koro nyeda idiɔk ntiene mbio-obio Anathoth, kpa isua ufen mmɔ.

JEREMIAH 15:15

O Jehovah, afo ɔmɔfiɔk: ti mi nyuŋ di dise mi, nyuŋ sio usiene ye mmɔ eke ekɔbɔde mi nɔ mi; kuda mi ufep ke anyan ime fo: fiɔk nte mbiomde esuene mbaŋa fi.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 26:11

Ndien mme oku ye mme prophet edɔhɔ ye mbɔŋ ye ofuri mbio-obio, ete, Owo emi emedue isop mkpa: koro enye ama etiŋ prophecy abaŋa obio emi, kpa nte mbufo ekopde ke utɔŋ mbufo.

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

JEREMIAH 37:15

Ndien mbɔŋ oro ekpahesit ye Jeremiah, enyuŋ emia enye, enyuŋ eda enye esin ke ŋkpɔkɔbi ufɔk Jonathan ewet ŋwed: koro mmɔ ekenimde enye ke ufɔk ukwak.

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 6:21

Mmɔdo ntem ke Jehovah ɔdɔhɔ, ete, Sese, ami mmɔŋ nda ŋkpɔ ntuaha-nduɔ nnim nnɔ mbio emi, ndien mme ete ye nditɔ eyetuaha ke esit eduɔŋɔ ɔtɔ kiet, mbɔhiduŋ ye ufan esie eyetak.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

ŊWED ESEME 3:60

Afo omokut ofuri usiene emi mmɔ esiode, kpukpru se mmɔ eduakde ebaŋa mi.

ŊWED ESEME 3:61

O Jehovah, afo omokop esuene emi mmɔ esuenede, ye kpukpru se mmɔ eduakde ebaŋa mi;

LUKE 21:22

Koro mme usen emi edidide ini usiene, man kpukpru se ekewetde osu.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;