JEREMIAH 18:11 - Edisana ñwed Abasi Ibom

¹¹ Kam dɔhɔ ndien ye mbio Judah ye mme andiduŋ Jerusalem, ete, Ntem ke Jehovah ɔdɔhɔ ete, Sese, ami mmɔŋ mbot idiɔk-ŋkpɔ mbaŋa mbufo, nnyuŋ nduak uduak mbaŋa mbufo: yak kpukpru mbufo ndien kiet kiet ekabare ekpɔŋ idiɔk usuŋ mbufo, mbufo enyuŋ eneŋere usuŋ mbufo ye ido mbufo.

JEREMIAH 18:11 ပူးပေါင်းရင်းမြစ်များ

GENESIS 11:7

Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

1 NDIDEM 22:23

Wɔrɔ kanam ntre. Mmɔdo, sese, Jehovah emesin kpukpru mme prophet fo emi spirit nsu ke inua, Jehovah onyuŋ ɔdɔhɔ idiɔk abaŋa fi.

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

2 NDIDEM 22:13

Mbufo eka ekebup Jehovah enɔ mi, ye mbio emi, ye ofuri Judah, ebaŋa ikɔ ŋwed emi ekutde: koro iyaresit Jehovah emi asakde ye nnyin omokpon eti, koro mme ete nnyin mikokopke ikɔ ŋwed emi, mikonyuŋ inamke kpukpru se ewetde ebaŋa nnyin.

2 NDIDEM 5:5

Ekem edidem Syria ɔdɔhɔ ete, Nam ka, nyenɔ ŋwed esɔk edidem Israel. Ntre ke enye aka, onyuŋ ada talent silver duop, ye tɔsin shekel gold itiokiet, ye ukpuhɔ ɔfɔŋ-idem duop, akama ke ubɔk aka.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

JEREMIAH 11:19

Ndien ami mbiet suŋ-suŋ eyen erɔŋ eke edade ekewot. Ndien ami mfiɔkke nte ekeduakde uduak ebaŋa mi, ete, Eyak nnyin isobo eto ye mfri esie, inyuŋ isibe enye ifep ke isɔŋ mme andidu uwem: ndien mmɔ iditihi aba enyiŋ esie.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 19:3

nyuŋ dɔhɔ ete, Mbufo mbɔŋ Judah ye mme andiduŋ Jerusalem, ekop uyo Jehovah; ntem ke Jehovah mme udim Abasi Israel ɔdɔhɔ, ete, Sese, mmɔŋ nda idiɔk-ŋkpɔ ntiene ebiet emi, ndien enye eyeduat utɔŋ kpukpru owo eke ekopde enye.

JEREMIAH 25:2

emi Jeremiah prophet ɔdɔhɔde ofuri mbio Judah, ye kpukpru mme andiduŋ Jerusalem, ete;

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 4:23

Nse isɔŋ, ndien, sese, isɔŋ edi ikpikpu ye ukpɔk; nse ikpa-enyɔŋ, ndien uŋwana iduhe ke esit.

JEREMIAH 4:6

Mbufo emenere banner ke enyɔŋ ke Zion: efeŋe itɔk: ekutuak eda: koro ami mmɔŋ nda idiɔk ye akwa ŋwure ke edem edere ndi.

JEREMIAH 51:11

Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

JEREMIAH 7:3

Ntem ke Jehovah mme udim, Abasi Israel, ɔdɔhɔ, ete, Mbufo ekabare usuŋ mbufo ye ido mbufo enam ɔfɔn, ndien ami nyeyak mbufo eduŋ ke ebiet emi.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

EZEKIEL 18:23

Ɔbɔŋ Jehovah ɔdɔhɔ ete, Nte mkpa idiɔk owo enem mi esit baba? Nte erikabare eke enye akabarede ɔkpɔŋ usuŋ esie, odu uwem, inemke mi esit?

JONAH 3:8

edi yak owo ye ufene esine ɔfɔŋ-ikpo ke idem, enyuŋ eseme enɔ Abasi ɔkpɔsɔŋ; yak kpukpru owo enyuŋ ekpɔŋ idiɔk ido mmɔ, ye afai eke odude mmɔ ke ubɔk efiak edem.

MICAH 2:3

Mmɔdo ntem ke Jehovah ɔdɔhɔ, ete, Sese, ami mmɔŋ ŋkere idiɔk-ŋkpɔ kiet mbaŋa idiɔk ufɔk emi, ŋkpɔ eke mbufo mikemeke ndisio itɔŋ mbufo ke esit mfep: midinyuŋ isaŋake iseri-iseri: koro enye edide idiɔk ini.

ZECHARIAH 1:3

Dɔhɔ mmɔ, ndien, ete, Ntem ke Jehovah mme udim ɔdɔhɔ ete, Mbufo ekabare etiene mi, Jehovah mme udim ɔdɔhɔ, ndien ami nyekabare ntiene mbufo, Jehovah mme udim ɔdɔhɔ.

UTOM MME APOSTLE 26:20

edi mbem kaŋa iso ŋkwɔrɔ nnɔ mbon Damascus, ye mbon Jerusalem, ye ofuri isɔŋ Judaea, ye mme Gentile nde, nte mmɔ ekabare esit ewɔŋɔre etiene Abasi, enyuŋ enam utom eke odotde erikabare esit.

JAMES 4:13

Da mbufo, emi edɔhɔde ete, Mfin mme mkpɔŋ iyeka ke obio emi ikadaŋ do isua kiet, inyam urua, idia udori: kpa ke ini mbufo mifiɔkke se iditibede mkpɔŋ.

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.