JEREMIAH 18:10 - Edisana ñwed Abasi Ibom

¹⁰ ndien enye ama anam idiɔk ido ke enyin mi, minyuŋ ikopke uyo mi, nyedahado ndien ke mfɔn oro ŋkɔdɔhɔde, nte nyefɔn ye enye.

JEREMIAH 18:10 ပူးပေါင်းရင်းမြစ်များ

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

EZEKIEL 33:12

Afo eyen owo, dɔhɔ ndien nditɔ oruk fo, ete, Eti ido eti owo idinyaŋake enye ke usen eke enye eduede: ama edi idiɔk ido owo, enye ididuɔhɔ ke esit ke usen eke enye akabarede ɔkpɔŋ idiɔk ido esie; ndien eti owo idikemeke ndidu uwem ke eti ido esie ke usen eke enye eduede.

EZEKIEL 33:18

Ke ini edinen owo ɔkpɔŋde edinen ido esie onyuŋ anamde ukwaŋ-ŋkpɔ, enye eyekpa ke esit.

EZEKIEL 45:20

Ntem ke afo edinam ke ɔyɔhɔ usen ɔfiɔŋ itiaba abaŋa kpukpru owo eke eduede, enyuŋ edide mme ɔkɔi, ndien mbufo esio isop ufɔk efep.

ZEPHANIAH 1:6

ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.

NUMBERS 14:22

Koro kpukpru mmɔ eke ekutde ubɔŋ mi, ye mme utibe ŋkpɔ mi emi ŋkanamde ke Egypt, ye ke wilderness, ema ekedomo mi utim ikoduop emi, ema enyuŋ esin uyo mi ndikop:

NUMBERS 14:23

ke akpanikɔ mmɔ idikwe isɔŋ emi ŋkɔŋwɔŋde nnɔ mme ete mmɔ, baba owo eke osuŋide mi kiet idinyuŋ ikwe enye:

NUMBERS 14:34

Ke adaŋa ibat usen oro mbufo ekedade eyep isɔŋ, kpa usen aba oro, usen kiet isua kiet, usen kiet isua kiet, ke mbufo edibiom mme ukwaŋ-ŋkpɔ mbufo, kpa isua aba, ndien mbufo eyefiɔk asua mi.

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

1 SAMUEL 15:35

Ndien Samuel itɔŋɔke aba ntak ikut Saul tutu osim usen mkpa esie: edi Samuel atua Saul: Jehovah onyuŋ atua mkpɔfiɔk koro enye okonimde Saul ke edidem Israel.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.