JEREMIAH 17:3 - Edisana ñwed Abasi Ibom

³ O akwa obot mi ke iŋwaŋ, nyeda inyene fo ye kpukpru ŋkpɔ-uto fo nnɔ ke ŋkpɔ mbume, ŋkokoŋo ebiet fo eyedu ke idiɔk ŋkpɔ ke ofuri adaŋa fo.

JEREMIAH 17:3 ပူးပေါင်းရင်းမြစ်များ

2 NDIDEM 24:13

Enye onyuŋ osio do kpukpru ŋkpɔ uto ufɔk Jehovah, ye ŋkpɔ uto ufɔk edidem, onyuŋ adianare gold efep ke kpukpru ŋkpɔ oro Solomon edidem Israel akanamde ke ufɔk Jehovah, kpa nte Jehovah ɔkɔdɔhɔde.

ŊWED MME PSALM 78:58

Enyuŋ eyat enye esit ke edikoŋ ebiet mmɔ, enyuŋ esin enye ofibe ufup ke edisɔi mbiet mmɔ.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

JEREMIAH 12:12

Mmɔ eke ebiatde emedɔk ke enyɔŋ kpukpru ikpɔ obot ke wilderness: koro ofut Jehovah adiade, ɔtɔŋɔde ke utit isɔŋ kiet tutu osim utit isɔŋ eken: baba obukidem idikwe emem.

JEREMIAH 15:13

Nyeda inyene fo ye ŋkpɔ-uto fo, nnɔ ke ŋkpɔ mbume, nnɔŋɔ ke ekɔm-urua, edi mbaŋa kpukpru mme idiɔk ido fo, ye ke esit ofuri adaŋa fo.

JEREMIAH 20:5

Ndien nyeda ofuri inyene obio emi, ye ofuri utom esie, ye kpukpru ŋkpɔ-uto esie, nnyuŋ nda kpukpru inyene oro ndidem Judah ekenimde, nsin ke ubɔk mme asua mmɔ ndien mmɔ eyebume mmɔ, enyuŋ eda mmɔ ebiom enyɔŋɔ ke babylon.

JEREMIAH 21:13

Sese, ami mmɔŋ nnam ikɔ ye afo, O andiduŋ ebedeŋ, ye akwa itiat una-isɔŋ, Jehovah ɔdɔhɔ; mbufo emi edɔhɔde ete, Anie edisuhɔre ke ɔtɔ nnyin? Anie edinyuŋ oduk ke ebiet iduŋ nnyin?

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

EZEKIEL 16:39

Nyenyuŋ nda fi nsin mmɔ ke ubɔk, ndien mmɔ eyewuri ufɔk use fo, enyuŋ esuan ŋkokoŋo ebiet fo; enyuŋ esioŋo fi edisine-ŋkpɔ ke idem efep; ndien mmɔ eyeda ŋkpɔ mbana fo, enyuŋ ekpɔŋ fi iferi ye ikpikpu.

EZEKIEL 23:46

Koro ntem ke Ɔbɔŋ Jehovah ɔdɔhɔ, ete, Nyeda akwa otu owo ndɔk ntiene mmɔ; nnyuŋ nnɔ mmɔ nte etuk mmɔ, enyuŋ enam mmɔ ŋkpɔ but.

EZEKIEL 6:3

Nyuŋ dɔhɔ ete, Mbufo ikpɔ obot Israel ekop uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ikpɔ obot ye ŋkpri, ye mme idim mmɔŋ, ye mme itihere; ete, Sese, ami kpa ami, mmɔŋ nda ofut ntiene mbufo nnyuŋ nsobo ŋkokoŋo ebiet mbufo.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.