JEREMIAH 17:23 - Edisana ñwed Abasi Ibom

²³ Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 17:23 ပူးပေါင်းရင်းမြစ်များ

ŊWED MME PSALM 50:17

Sia afo asua item, onyuŋ ɔduɔk ikɔ mi ke edem fo.

MME ŊKE 1:3

Man owo ada item mbufiɔk, eti ido, ye ikpe, ye se inende;

MME ŊKE 1:5

Enyene-ibuot owo eyekop, onyuŋ ɔkɔrɔ ke se ekpepde; asian owo eyenyuŋ enyene ikike:

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

MME ŊKE 5:12

Ndien afo eyedɔhɔ ete, Nsinam ŋkasuade item, esit mi okonyuŋ esede ntunɔ ke ndek?

MME ŊKE 8:10

Mbufo ebɔ item mi, ekubɔ silver; ebɔ ifiɔk ekan ata edimek gold.

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 32:33

Ndien mmɔ ekabare obot itɔŋ enɔ mi, ikabakede iso: okposuk edi nte ŋkpepde mmɔ, mbabak ŋkpep, edi mmɔ ikopke, inyuŋ ibɔhɔ item.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 6:8

Yak eteme fi, O Jerusalem, mbak ukpɔŋ mi ediwɔŋɔre ɔkpɔŋ fi; mbak ndinim fi ke desert, ke isɔŋ eke owo miduŋke ke esit.

JEREMIAH 7:28

Nyuŋ dɔhɔ mmɔ, ete, Emi edi idut eke mikopke uyo Jehovah Abasi mmɔ, minyuŋ ibɔhɔ item: akpanikɔ omokure, enyuŋ esibe enye ke inua mmɔ efep.

EZEKIEL 20:13

Ndien ufɔk Israel esɔŋ ibuot ye ami ke wilderness: mmɔ isaŋake ke mme ewuhɔ mi, edi esin mme item mi, emi owo ama anam mmɔ, owo eyedu uwem ke esit; mmɔ enyuŋ esabare mme sabbath mi eti-eti: ndien ndɔhɔ nte ke nyeŋwaŋa mmɔ ifuresit mi ke idem ke wilderness man nsobo mmɔ.

EZEKIEL 20:16

koro mmɔ esinde mme item mi, minyuŋ isaŋake ke mme ewuhɔ mi, edi esabare mme sabbath mi: koro esit mmɔ ebinede ibɔk mmɔ.

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

ZEPHANIAH 3:7

Ŋkɔdɔhɔ nte, Kam bak mi, bɔ item; ndien idisibeke iduŋ esie ifep, kpa kpukpru se ŋkonimde nnɔ enye: edi mmɔ ebak edemere enam kpukpru ido mmɔ ediɔk.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

JUDGES 6:10

ndien ndɔhɔ mbufo, nte, Ami ndi Jehovah Abasi mbufo; mbufo ekubak mme abasi mme Amorite, emi mbufo eduŋde ke isɔŋ mmɔ: edi mbufo ikokopke uyo mi.