JEREMIAH 17:16 - Edisana ñwed Abasi Ibom

¹⁶ Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

JEREMIAH 17:16 ပူးပေါင်းရင်းမြစ်များ

JEREMIAH 12:3

Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 15:15

O Jehovah, afo ɔmɔfiɔk: ti mi nyuŋ di dise mi, nyuŋ sio usiene ye mmɔ eke ekɔbɔde mi nɔ mi; kuda mi ufep ke anyan ime fo: fiɔk nte mbiomde esuene mbaŋa fi.

JEREMIAH 18:20

Nte edida idiɔk esio usiene eti? Koro mmɔ etibide obube enɔ ukpɔŋ mi. Ti nte ŋkadade ke iso fo, ndidɔhɔ nti ŋkpɔ mbaŋa mmɔ, man nnam iyaresit fo akabare ɔkpɔŋ mmɔ.

JEREMIAH 20:7

Afo akatap mi. O Jehovah, ndien ami ŋkop nnɔ fi: afo ɔkɔsɔŋ ebe mi, onyuŋ akan mi ubɔk: ami ŋkabare ndi ŋkpɔ eke esakde ofuri usen, kpukpru owo ebiaŋa mi.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

AMOS 5:10

Mmɔ esua owo eke aduaride owo ke inua-otop, enyuŋ eda owo eke ɔdɔhɔde edinen, ese ke mbubiam.

UTOM MME APOSTLE 20:20

Mbufo emefiɔk ete ŋkefeheke ndisian mbufo se ededi eke odorode mbufo ŋkpɔ, mma nnyuŋ ŋkpep mbufo ŋkpɔ aŋwa-aŋwa,

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

JAMES 3:1

NDITƆ-ETE mi, ediwak ke otu mbufo ekudi mme anditeme sia efiɔkde ete, ikpe nnyin emi idide mme anditeme eyesɔŋ akan.