JEREMIAH 17:13 - Edisana ñwed Abasi Ibom

¹³ Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

JEREMIAH 17:13 ပူးပေါင်းရင်းမြစ်များ

ŊWED MME PSALM 22:4

Mme ete nnyin ekebuɔt idem mmɔ ye afo: mmɔ ebuɔt idem, ndien afo anyaŋa mmɔ.

ŊWED MME PSALM 69:29

Ndien ami ndi eyen ubuene ye mfuhɔ: yak erinyaŋa fo, O Abasi, emenere mi onim ke enyɔŋ.

ŊWED MME PSALM 71:5

Koro afo, O Ɔbɔŋ Jehovah, edide idori-enyin mi; ye iberedem mi, ɔtɔŋɔde ke ini uyen mi.

ŊWED MME PSALM 73:27

Koro, sese, mmɔ eke edianarede ekpɔŋ fi anyan usuŋ, eyetak: afo omosobo mmɔ eke ekpɔŋde fi enam use.

ŊWED MME PSALM 97:7

But eyenam kpukpru mmɔ eke enamde ŋkpɔ enɔ edisɔi mbiet, enyuŋ eburede mbure ke mbiet ŋkpɔ: mbufo kpukpru abasi etuak ibuot enɔ enye.

MME ŊKE 10:7

Ke ini etide eti owo, eyetoro enye: edi enyiŋ mme idiɔk owo eyebu.

MME ŊKE 14:14

Eyeda usuŋ andifiak edem ke esit eyuhɔ enye: edi eti owo isaŋake kiet ye enye.

ISAIAH 1:28

Edi eyesobo mme oburobut owo ye mme anam idiɔk ini kiet, ndien mmɔ eke ekpɔŋde Jehovah eyetak.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

JEREMIAH 14:8

Idorienyin Israel, emi anyaŋade enye ke ini ukut, nsinam afo ebietde esen owo ke isɔŋ, ye nte owo isaŋ eke owukde (tent) ndidaŋ ke okoneyo?

JEREMIAH 17:17

Kutie ye ami nte ŋkpɔ ndik: afo edi ubɔhɔ mi ke usen idiɔk.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 17:5

Ntem ke Jehovah ɔdɔhɔ, ete, Osuk ɔdɔdiɔk ɔnɔ owo eke edibuɔtde idem ye owo, onyuŋ onimde obukidem ke ubɔk esie, esit esie onyuŋ ɔwɔŋɔrede ɔkpɔŋ Jehovah.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:17

Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

EZEKIEL 36:32

Ɔbɔŋ Jehovah ɔdɔhɔ, ete, Mbufo efiɔk ete ke ami nnamke ntem mbaŋa mbufo: mbufo eda but ye esuene ebaŋa usuŋ mbufo, O ufɔk Israel.

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

JOEL 3:16

Ndien Jehovah eyetie ke Zion ofiori, onyuŋ etie ke Jerusalem osioro uyo esie: ndien enyɔŋ ye isɔŋ eyenyek: Jehovah eyenyuŋ edi ubɔhɔ ikɔt esie, edi odudu nditɔ Israel.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ZECHARIAH 9:12

Mbufo mbon ŋkpɔkɔbi idori-enyin, efiak edi ke ɔkpɔsɔŋ ebiet: kpa mfin emi ke ndɔhɔ nte ke ndinɔ fi utim ikaba.

LUKE 10:20

Edi ekudat esit koro mme spirit esukde ibuot enɔ mbufo; edi edat esit koro ema ewet enyiŋ mbufo ke heaven.

JOHN 4:10

Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

UTOM MME APOSTLE 28:20

Oro esin mbeŋe mbufo edi edise mi, enyuŋ eneme nneme ye ami: koro nsine ke ŋkpɔkɔbi emi kabaŋa idori-enyin Israel.

1ŊWED TIMOTHY 1:1

AMI Paul, emi ndide apostle Christ Jesus, nte ekemde ye uyo Abasi Andinyaŋa nnyin ye eke Christ Jesus idori-enyin nnyin, ŋwet ŋwed emi nnɔ esɔk Timothy, ata eyen mi ke mbuɔtidem;

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.