JEREMIAH 17:10 - Edisana ñwed Abasi Ibom

¹⁰ Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 17:10 ပူးပေါင်းရင်းမြစ်များ

1 NDIDEM 8:39

afo tie ndien ke enyɔŋ, ebiet iduŋ fo, kop, nyuŋ dahado, nyuŋ nam, nyuŋ nɔ owo emi afo ɔfiɔkde esit esie, nte kpukpru usuŋ esie edide: koro afo ikpɔŋ ɔfiɔkde esit kpukpru nditɔ Adam;

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

2 CHRONICLES 6:30

afo tie ndien ke enyɔŋ, ke ebiet-iduŋ fo, kop, nyuŋ dahado, nyuŋ nɔ owo kpa nte ekemde ye kpukpru ido enye emi afo ɔfiɔkde esit esie: (koro afo ikpɔŋ-ikpɔŋ ɔfiɔkde esit nditɔ Adam:)

ŊWED JOB 34:11

Koro enye eyeda se owo anamde osio usiene ye owo, onyuŋ anam owo okut nte asaŋade ye ido owo.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

ŊWED MME PSALM 44:22

Koro ekewotde nnyin ke ofuri usen ebaŋa fi; ekebat nnyin ke erɔŋ mkpa.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

ŊWED MME PSALM 7:10

Otu-ekɔŋ mi odoro Abasi ke idem, emi anyaŋade mbon esit akpanikɔ.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

MME ŊKE 12:14

Owo eyeyuhɔ ufɔn eke otode ke mfri inua: ndien enye eyenɔ owo ŋkpɔ eyen-utom ubɔk esie.

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ISAIAH 59:18

Kpa nte ido mmɔ asaŋade, kpa ntre ke enye edinɔ, ɔnɔ mme usua esie iyat esit, ɔnɔ mmɔ eke etɔhɔde ye enye se mmɔ edotde; eyenɔ mme isuo se mmɔ edotde.

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JEREMIAH 32:19

omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

EZEKIEL 11:5

Ndien spirit Jehovah ɔduɔ mi ke idem, onyuŋ ɔdɔhɔ mi, ete, Tiŋ, ete, Ntem ke Jehovah ɔdɔhɔ, ete, Ntem ke mbufo edɔhɔ, O ufɔk Israel; ndien ami mfiɔk kpasuk se idɔkde iduk mbufo esit.

EZEKIEL 14:5

man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.

MICAH 7:13

Ndien isɔŋ emi eyena ikpikpu abaŋa mme andiduŋ enye, oto ke mfri ido mmɔ.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 6:4

man erinɔ fo edi ke ndibe: ndien Ete fo emi okutde ke ndibe eyenɔ fi usiene.

JOHN 2:25

koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

UTOM MME APOSTLE 1:24

Mmɔ enyuŋ ebɔŋ akam ete, Afo, ɔbɔŋ, emi ɔfiɔkde esit kpukpru owo, wut enye emi ekemekde ke otu owo iba emi,

ŊWED MBON ROME 6:21

Nso mfri ke mbufo ekokut adaŋoro ke ŋkpɔ eke enamde mbufo but idahemi? koro utit mme ŋkpɔ oro edide mkpa.

ŊWED MBON ROME 8:27

Enye emi ɔduŋɔrede esit owo omonyuŋ ɔfiɔk se ekikere Spirit edide, koro spirit anamde mkpe-ubɔk ɔnɔ ikɔt Abasi nte ekemde ye uduak Abasi.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 22:12

Sese, mmɔŋ ndedi idaha emi; nnyuŋ nsaŋa ye utip Mi, ndinɔ kpukpru owo nte ekemde ye ubɔk-utom esie.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.