JEREMIAH 16:6 - Edisana ñwed Abasi Ibom

⁶ Ŋkpri ye ikpɔ eyenyuŋ ekpaŋa ke isɔŋ emi: mmɔ idibuhɔke, ndien idituaha ibaŋa mmɔ, idinyuŋ ikpihi idem, inyuŋ ikporoke ibuot ibaŋa mmɔ:

JEREMIAH 16:6 ပူးပေါင်းရင်းမြစ်များ

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 24:2

Ndien nte etiede ye mbio-obio, kpa ntre ke editie ye oku; nte etiede ye ofin, kpa ntre ye ete esie; nte ye ofin aŋwan, kpa ntre ye eka esie; nte ye andidep, kpa ntre ye andinyam; nte ye owo eke ɔnɔde ŋkpɔ ke ebuɔt, kpa ntre ye owo eke ɔbuɔtde; nte ye owo isɔn, kpa ntre ye owo eke enye akamade enye isɔn.

JEREMIAH 13:13

Ndien dɔhɔ mmɔ, ete, Ntem ke Jehovah ɔdɔhɔ, ete, Sese ami nyeda mmin nnɔ kpukpru mme andiduŋ isɔŋ emi, ye ndidem emi etiede ke ibuot David ke ebekpo esie, ye mme oku, ye mme prophet, ye kpukpru mme andiduŋ Jerusalem, eŋwɔŋ ekpa.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 41:5

ndusuk owo eto ke Shechem, ye ke Shiloh, ye ke Samaria, owo anaŋ, emi ekporode ntaŋ-ebek, enyuŋ ewaide edisine-ŋkpɔ mmɔ, enyuŋ ekpide idem mmɔ, edi ye inuak-udia ye frankincense ke ubɔk, ke eyom ndida mmɔ nsɔk ke ufɔk Jehovah.

JEREMIAH 47:5

Ibɔ omosim Gaza; Ashkelon amabiara, ye ubak una-isɔŋ eke ɔsuhɔde ɔnɔ mmɔ. Adaŋa didie ke afo edikpi idem fo?

JEREMIAH 48:37

Koro kpukpru ibuot enyenede ibɔ, enyuŋ efat kpukpru ntaŋebek: enyuŋ ekpi kpukpru ubɔk, ɔfɔŋ-ikpo onyuŋ okune kpukpru isin.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

LEVITICUS 19:27

Ekunim ekpɔŋ; kunyuŋ ubiat mben ntaŋebek fo.

LEVITICUS 19:28

Ekunyuŋ ekpi obukidem mbufo ebaŋa akpa-mkpa, ekunyuŋ ewet ŋwed ke idem mbufo: ami ndi Jehovah.

AMOS 6:11

Koro, sese, Jehovah owuk, onyuŋ ɔtɔ akwa ufɔk owuri, onyuŋ ɔtɔ ekpri ufɔk asiak.

MATTHEW 9:23

Ndien ke ini Jesus odukde ke ufɔk ɔbɔŋ oro, onyuŋ okutde mme efri-ifiom, ye nte owo enamde ndutime, Enye ete mmɔ,

DEUTERONOMY 14:1

MBUFO edi nditɔ Jehovah Abasi mbufo: ekukpeŋe idem mbufo, ekunyuŋ enam ibɔ ke ufɔt enyin mbufo, ebaŋa akpa-mkpa,

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 6:15

Ndien ndidem isɔŋ, ye mbɔŋ, ye ikpɔ mme etubom ekɔŋ, ye mbon inyene, ye mkpɔsɔŋ owo, ye kpukpru ifin ye nditɔ-isɔŋ edibe ke mme aba ye ke ikpɔ itiat emi edude ke ikpɔ obot;