JEREMIAH 16:4 - Edisana ñwed Abasi Ibom

⁴ mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 16:4 ပူးပေါင်းရင်းမြစ်များ

2 NDIDEM 9:10

Ndien mme ebua eyeta Jezebel ke iŋwaŋ Jezreel, owo eke obukde enye idinyuŋ iduhe. Ndien enye osio usuŋ efehe.

ŊWED MME PSALM 78:64

Mme oku mmɔ eduɔŋɔ ke ofut; ndien mme ebe-akpa mmɔ ituaŋake.

ŊWED MME PSALM 83:10

Ekesobo mmɔ ke Endor: mmɔ ekabare edi ifum isɔŋ.

ISAIAH 18:6

Eyekpɔŋ mmɔ ɔtɔ kiet enɔ mme inuen obot, ye mme unam ikɔt: ndien mme inuen eyesɔrɔ ke esit ke nda-eyo, kpukpru mme unam ikɔt eyenyuŋ ena ke esit ke ukwɔ.

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 21:6

Nyenyuŋ ntɔ mme andiduŋ obio emi, ye owo, ye ufene: mmɔ eyekpaŋa ke akwa udɔŋɔ.

JEREMIAH 25:33

Ndien mmɔ eke Jehovah ediwotde ke usen oro eyetɔŋɔ ke utit ererimbot ena esim ke utit ererimbot: idituaha mmɔ, idinyuŋ itaŋke, idinyuŋ ibukke, mmɔ eyetie nte ifum ke iso isɔŋ.

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

JEREMIAH 36:30

Mmɔdo ntem ke Jehovah ɔdɔhɔ abaŋa Jehoiakim edidem Judah, ete, Enye idinyeneke owo eke editiede ke ebekpo David: ndien eyeduɔk okpo esie enɔ eyo ke uwemeyo, enɔ tuep ke okoneyo.

JEREMIAH 44:12

nyenyuŋ nda Judah emi esuhɔde, emi ewukde iso mmɔ, ete ika isɔŋ Egypt ikoduŋ do, ndien kpukpru mmɔ eyesobo; ke isɔŋ Egypt ke mmɔ ediduɔŋɔ; eyesobo mmɔ ke ofut ye ke biɔŋ; ŋkpri ye ikpɔ eyekpaŋa ke ofut ye ke biɔŋ; enyuŋ ekabare edi ŋkpɔ isuŋi ye nsobo ye itɔk ye esuene.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

JEREMIAH 9:22

Dɔhɔ ete, Ntem ke Jehovah ɔdɔhɔ, ete, Mme okpo owo emeduɔŋɔ nte ifum ke iso isɔŋ, ye nte ebek ibokpot ke edem owo eke ekpeŋede, ndien baba owo kiet eke ataŋde iduhe.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

ZEPHANIAH 1:17

Ndien nyeda ukut ntiene owo, ndien mmɔ eyesaŋa nte nnan, koro mmɔ eduede Jehovah: ndien eyeduɔk iyip mmɔ nte ntan, ye obukidem mmɔ nte ifuɔ.

DEUTERONOMY 28:22

Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.

DEUTERONOMY 28:26

Ndien okpo fo eyedi udia kpukpru inuen enyɔŋ, ye eke mme unam ikɔt, ndien owo eke edibinde mmɔ efep ididuhe.