JEREMIAH 16:21 - Edisana ñwed Abasi Ibom

²¹ Mmɔdo sese, nyenam mmɔ efiɔk ke ini kiet emi, nyenam mmɔ efiɔk ubɔk mi ye odudu mi; ndien mmɔ eyefiɔk ete ke enyiŋ mi edi Jehovah.

JEREMIAH 16:21 ပူးပေါင်းရင်းမြစ်များ

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

EXODUS 14:4

Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

EXODUS 15:3

Jehovah edi owo ekɔŋ, Jehovah edi enyiŋ esie.

EXODUS 6:3

Ŋkonyuŋ ŋwut Abraham, ye Isaac, ye Jacob idem mi, nte Ata Ɔkpɔsɔŋ Abasi; edi mmɔ ikɔfiɔkke enyiŋ mi Jehovah.

ISAIAH 43:3

Koro ami Jehovah ndide Abasi fo; ami Edisana Abasi Israel, ndi Andinyaŋa fi: nda Egypt nnɔ ke ŋkpɔ-ufak fo, nnɔ Kush ye Sheba ke ibuot fo.

JEREMIAH 33:2

Ntem ke Jehovah emi akanamde enye, Jehovah emi okobotde enye man ɔsɔŋɔ owuk enye, Jehovah edi enyiŋ esie, ɔdɔhɔ, ete,

EZEKIEL 24:24

Ntem ke Ezekiel edi ŋkpɔ idiɔŋɔ mbufo: mbufo enam kpukpru se enye akanamde: ndien adaŋemi ŋkpɔ emi edisude, mbufo eyefiɔk, ete ke ami ndi Ɔbɔŋ Jehovah.

EZEKIEL 24:27

Ke usen oro inua fo eyetara ɔnɔ owo eke ɔbɔhɔde, ndien afo eyedɔhɔ ikɔ, udunyuŋ udige aba imum: edi afo eyedi ŋkpɔ ndyɔ ye mmɔ; ndien mmɔ eyefiɔk ete ke ami ndi Jehovah.

EZEKIEL 25:14

Nyenyuŋ nda usiene mi ndori Dedan ke idem ke ubɔk ikɔt mi Israel; ndien mmɔ eyenam Edom nte ekemde ke iyaresit mi ye ifuresit mi, ndien mmɔ eyefiɔk usiene mi, Uyo Ɔbɔŋ Jehovah edi emi.

EZEKIEL 6:7

Ndien mmɔ eke ekpaŋade afai eyeduɔŋɔ ke otu mbufo, ndien mbufo eyefiɔk ete ke ami ndi Jehovah.

AMOS 5:8

enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.