JEREMIAH 16:18 - Edisana ñwed Abasi Ibom

¹⁸ Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

JEREMIAH 16:18 ပူးပေါင်းရင်းမြစ်များ

ŊWED MME PSALM 106:38

enyuŋ eduɔk iyip owo eke miduehe isop, kpa iyip nditɔ mmɔ iren ye iban, emi mmɔ ewade enɔ ndem Canaan: ndien isɔŋ abiara ke iyip.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

ISAIAH 61:7

Ke ibuot but mbufo eyekut ikaba; ndien ke ibuot esuene mmɔ eyedara ke udeme mmɔ: mmɔdo ke isɔŋ mmɔ ke mmɔ edida ikaba enyene: nsinsi idaresit eyenyene mmɔ.

ISAIAH 65:6

Jehovah ɔdɔhɔ ete, Sese, emewet enye ke iso mi: ndidopke uyo, ibɔhɔke ini nsosio usiene, nsosio mme idiɔk ido mbufo, ye eke mme idiɔk ido mme ete mbufo, ini kiet, nsin mmɔ ke ikpanesit;

ISAIAH 65:7

koro mmɔ ekefɔpde ŋkpɔ ke enyɔŋ ikpɔ obot, enyuŋ esuenede mi ke enyɔŋ ŋkpri obot: mmɔdo ndidomode akpa utom mmɔ nsin mmɔ ke ikpanesit.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

JEREMIAH 3:9

Ndien edikem enye asabare isɔŋ ke oburobut use esie, onyuŋ esin efibe ye itiat ye eto.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 7:30

Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

EZEKIEL 11:18

Ndien mmɔ eyesim ko, eyenyuŋ esioŋo kpukpru ŋkpɔ ndek esie, ye kpukpru mbubiam esie efep ke esit.

EZEKIEL 11:21

Edi ama edi mmɔ emi esit mmɔ asaŋade ke ŋkpɔ ndek mmɔ ye mbubiam ŋkpɔ mmɔ, nyeda usuŋ mmɔ ndori mmɔ ke ibuot; emi edi uyo Ɔbɔŋ Jehovah.

EZEKIEL 36:18

Ami nnyuŋ nduɔk mmɔ ifuresit mi ke idem mbaŋa iyip emi mmɔ ekeduɔkde ke isɔŋ; koro mmɔ enyuŋ edade ibɔk mmɔ esabare enye:

EZEKIEL 5:11

Mmɔdo Ɔbɔŋ Jehovah ɔdɔhɔde, ete, Ma uwem mi; koro kpukpru ndek fo ye kpukpru mbubiam fo esabarede edisana ebiet mi, ami ŋko nditreke ndisibe fi mfep; enyin mi idinyuŋ iyakke, ami ŋko ndinyuŋ nnyeneke mbɔm.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.

MICAH 2:10

Mbufo edaha ke enyɔŋ eka: koro midige ebiet nduɔk-odudu (mbufo) edi emi: koro enye edehede, eyesobo (mbufo), ndien nsobo oro eyediɔk eti-eti.

ERIYARARE 18:6

Nɔ enye usiene kpa nte enye ɔkɔnɔde, nyuŋ nɔ enye ubiom-ikpe esie utim ikaba, nte ekemde ye se enye akanamde. Ke cup emi enye akabuakde ŋkpɔ ke esit ebuak enɔ enye utim ikaba.