JEREMIAH 16:17 - Edisana ñwed Abasi Ibom

¹⁷ Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 16:17 ပူးပေါင်းရင်းမြစ်များ

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ŊWED JOB 10:14

Ŋkpedue, afo ekpekpeme mi, ukponyuŋ uyakke mi mbɔhɔ ufen mi.

ŊWED JOB 31:4

Nte utibe ufen inyeneke mme anam-ukwaŋ-ŋkpɔ? Nte idige enye okut usuŋ mi, onyuŋ abat kpukpru ikpat mi?

ŊWED MME PSALM 109:15

Yak mmɔ edu ke iso Jehovah kpukpru ini, yak enye onyuŋ osibe enyiŋ mmɔ ke isɔŋ efep.

ŊWED MME PSALM 139:3

Afo otim ɔnyuŋɔ isaŋ mi ye ebiet eke nnade, onyuŋ ɔfiɔk kpukpru usuŋ mi.

ŊWED MME PSALM 33:15

Enye ikpɔŋ-ikpɔŋ obot esit mmɔ; etiŋ enyin ke kpukpru se mmɔ enamde.

ŊWED MME PSALM 51:9

Fuk iso fo, kuse mme idiɔk ido mi; nyuŋ sɔhi kpukpru mme ukwaŋ-ŋkpɔ mi fep.

ŊWED MME PSALM 90:8

Afo omonim mme idiɔk ido nnyin ke iso fo; onim ndibe-ndibe ŋkpɔ nnyin ke uŋwana iso fo.

MME ŊKE 15:3

Enyin Jehovah edu ke kpukpru ebiet, ese mme idiɔk owo ye nti.

MME ŊKE 5:21

Koro mme usuŋ owo enade iŋwaŋ ke iso Jehovah, enye onyuŋ odomo kpukpru ido owo.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

JEREMIAH 2:22

Okposuk edi nte afo adade soda eyet idem, onyuŋ ada ediwak soap ke idem fo, idiɔk ido fo etie ndek-ndek ke iso mi; Ɔbɔŋ Jehovah ɔdɔhɔ.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 32:19

omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

JEREMIAH 7:11

Nte mbufo ese ete ke ufɔk emi ekerede enyiŋ mi amakabare edi obube mbon-afai? Ami ŋko, sese, mma ŋkut enye. Ke edi Jehovah ɔdɔhɔ.

EZEKIEL 8:12

Ndien enye obup mi, ete, Eyen owo, nte afo omokut se mbiowo Israel enamde ke ekim, kpukpru kiet kiet ke ubet mbiet ŋkpɔ mmɔ? koro mmɔ edɔhɔde, ete, Jehovah ikwe nnyin; Jehovah ɔmɔkpɔŋ edem emi.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

ZEPHANIAH 1:12

Ndien ama ekem ke ini oro, nyeda utuenikaŋ nduŋɔre Jerusalem, nnyuŋ nda ufen nnɔ mmɔ eke esɔrɔde ke ntak mmɔ: eke edɔhɔde ke esit mmɔ, ete, Jehovah idinamke eti ŋkpɔ, idinyuŋ inamke idiɔk.

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.