JEREMIAH 16:13 - Edisana ñwed Abasi Ibom

¹³ mmɔdo nyesioŋo mbufo ke isɔŋ emi mfep, nda nduɔk ke isɔŋ eke mbufo ye mme ete mbufo mikɔfiɔkke; ndien do ke mbufo edinam ŋkpɔ abasi efen ke uwemeyo ye ke okoneyo, eke mendifɔnke ye mbufo baba.

JEREMIAH 16:13 ပူးပေါင်းရင်းမြစ်များ

2 NDIDEM 25:21

ndien edidem Babylon ɔtɔ mmɔ owot ke Riblah, ke idut Hamath: onyuŋ ataŋ Judah ke isɔŋ mmɔ efep.

2 CHRONICLES 7:20

ndien nyedibere mmɔ mfep ke isɔŋ emi ŋkɔnɔde mmɔ; nyenyuŋ mmen ufɔk emi nnamde nnɔ enyiŋ mi, ke iso mi mfep nduɔk, nnyuŋ nnam enye akabare edi ikwɔ ye ufiet ke otu kpukpru mme idut.

ŊWED MME PSALM 81:12

Ndien nyak mmɔ nnɔ nsɔŋesit mmɔ: mmɔ esaŋa ke uduak idem mmɔ.

JEREMIAH 10:18

O andiduŋ ɔkpɔsɔŋ ebiet. Koro ntem ke Jehovah ɔdɔhɔ, ete, Sese, ami nyesin mme andiduŋ isɔŋ ke ŋkpɔ-utop ntop mmɔ ke ini emi, nnyuŋ ntuhɔ mmɔ, man mmɔ ekut.

JEREMIAH 14:8

Idorienyin Israel, emi anyaŋade enye ke ini ukut, nsinam afo ebietde esen owo ke isɔŋ, ye nte owo isaŋ eke owukde (tent) ndidaŋ ke okoneyo?

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 15:14

Ndien nyenam mme asua fo ebe eduk ke idut kiet eke afo mufiɔkke: koro ikaŋ obuberede ke iyaresit mi, eyesak mbufo ke idem.

JEREMIAH 15:4

Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 16:5

Koro ntem ke Jehovah ɔdɔhɔ, ete, Kuduk ke ufɔk ikpo, kunyuŋ uka ukatua, kunyuŋ utua mmɔ mbɔm: koro mbɔ mbio emi emem mi, ye ima, ye mbɔm; uyo Jehovah edi emi.

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 22:26

Ndien nyeda fi, ye uka emi akamande fi nduɔk ke isɔŋ efen eke mbufo mikamanake do; ndien do ke mbufo edikpaŋa.

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

JEREMIAH 5:19

Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

DEUTERONOMY 29:28

ndien Jehovah ada iyaresit, ye ifiopest, ye akamba ikpahesit, edibere mmɔ, ke isɔŋ mmɔ efep, emen mmɔ ɔduɔk ke isɔŋ efen, kpa nte edide mfin emi.