JEREMIAH 15:9 - Edisana ñwed Abasi Ibom

⁹ Ŋwan eke amande itiaba akpa mba; ɔduɔk ukpɔŋ esie; utin esie omosop ke uwemeyo osuk odude: but ye ndutime enam enye: ndien nyeda mmɔ eke esuhɔde nnɔ ofut ke iso mme asua mmɔ. Emi edi uyo Jehovah.

JEREMIAH 15:9 ပူးပေါင်းရင်းမြစ်များ

ISAIAH 47:9

Edi ŋkpɔ mbiba emi eyesim fi ke idaha, ke usen kiet, unana nditɔ, ye unana ebe: kpukpru mmɔ emesim fi, ebaŋa ediwak idiɔŋ fo, ye uwak uŋwaŋ fo.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 50:12

but anam eka mbufo eti-eti; ŋwan emi akamande mbufo okut esuene: sese, akpatre mme idut eyedi wilderness, ye edisat isɔŋ, ye desert.

JEREMIAH 6:4

kpukpru mmɔ kiet kiet eyebɔk ufene ke ebiet mmɔ. Mbufo etim ŋkpɔ uŋwana-ekɔŋ ye enye; edaha ke enyɔŋ, (eyak) nnyin idɔk ke ufɔt uwemeyo. Ɔdɔdiɔk ye nnyin: koro eyo ɔkɔhɔrede itɔŋ, koro mme ukpɔŋ mbubreyo ewɔrɔde uniɔŋ.

JEREMIAH 7:19

Nte idige idem-mmɔ? ndien oto do mmɔ eda but ke iso.

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

ŊWED ESEME 4:10

Ubɔk iban emi enyenede esit mbɔm emetem nditɔ mmɔ: mmɔ ekabare edi udia mmɔ ke ŋwure adiaha ikɔt mi.

EZEKIEL 5:12

Ɔyɔhɔ ubak mbufo ita eyekpaŋa ke udɔŋɔ, eyenyuŋ ekpa idem ke akaŋ ke otu mbufo; ɔyɔhɔ ubak ita eyenyuŋ ekpaŋa ke ofut ekan mbufo ekuk; nyenyuŋ nsuan ɔyɔhɔ ubak ita nsin ke kpukpru mme ofum, nnyuŋ nsio ofut mbine mmɔ.

EZEKIEL 5:13

Ndien iyaresit mi eyekure, nyenyuŋ nda ifuresit mi ndori mmɔ ke idem, ndien ŋkop ndɔŋ-esit: ndien mmɔ eyefiɔk, ete, ke ami Jehovah ndɔhɔ ke ufup mi, ke ini mmade ifuresit mi ye mmɔ.

1 SAMUEL 2:5

Mmɔ eke ekeyuhɔde emekabare enam utom udia: mmɔ eke eketiede biɔŋ enyuŋ etre: tutu ada aman itiaba; ndien ŋwan eke enyenede ediwak nditɔ onyuŋ akabare mmeme.