JEREMIAH 15:4 - Edisana ñwed Abasi Ibom

⁴ Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 15:4 ပူးပေါင်းရင်းမြစ်များ

2 NDIDEM 21:1

MANASSEH ekedi eyen isua duopeba ke ini enye adade ubɔŋ, ndien enye akara nte edidem ke Jerualem ke isua aba ye efut.

2 NDIDEM 21:15

koro mmɔ enamde idiɔk ke iso mi, enyuŋ eyatde mi esit, ɔtɔŋɔde ke usen nte mme ete mmɔ eketode ke Egypt ewɔŋɔ, tutu osim mfin emi.

2 NDIDEM 21:2

Enyiŋ eka esie onyuŋ ekere Hephzi-bah. Ndien enye anam idiɔk ke iso Jehovah, ekem ye mbubiam mme idut oro Jehovah okosiode efep ke iso nditɔ Israel.

2 CHRONICLES 33:1

MANASSEH osim isua duop-eba ke ini enye adade ubɔŋ; onyuŋ edi edidem ke Jerusalem ke isua aba ye efut:

2 CHRONICLES 33:2

enye onyuŋ anam se idiɔkde ke iso Jehovah, ebiet mbubiam-ŋkpɔ mme idut oro Jehovah ekebinde efep ke iso nditɔ Israel.

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 9:16

Ndien nyesuan mmɔ ke otu mme idut, eke mmɔ ye mme ete mmɔ mikɔfiɔkke, nyenyuŋ ndɔŋ ofut utom, nte ebine mmɔ, tutu nsobo mmɔ mma.

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

EZEKIEL 18:19

Ndien mbufo edɔhɔ, ete, Eyen anam didie mibiomke idiɔk ido ete esie? Ke ini eyen oro anamde edinen ikpe, onimde kpukpru mme ewuhɔ mi, onyuŋ anam mmɔ, enye iditreke ndidu uwem.

EZEKIEL 23:46

Koro ntem ke Ɔbɔŋ Jehovah ɔdɔhɔ, ete, Nyeda akwa otu owo ndɔk ntiene mmɔ; nnyuŋ nnɔ mmɔ nte etuk mmɔ, enyuŋ enam mmɔ ŋkpɔ but.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.